صباح الخيرات ي عرب الجزيرة
بدون مقدمات التفاؤل حلو ومطلوب بس دخيل الله لا نريد حماسا يدفعنا إلى الهاوية..
هذي السنة الثالثة وانا معاكم..
صراحة
كل سنة نسمع كلمة هذا الموسم اعلى من المعدل..
ويجون بعض المصرقع بتويتر ويجيب خريطة الجزيرة العربية ما قبل الإسلام..🙈
ويبدا يرش من الالوان احمر واخضر واصفر..
الاحمر اعلى من المعدل عاد حاط الأحمر من ينبع إلى جدة..
وانا فرحاااااان ومبسوووط.. 🙊
والاخضر حول المعدل وياخذ من نص نجد إلى الشمال..
والاصفر أقل من المعدل وماشي ويتحمس وتحس انه شوي ويدخل ع أوروبا..
يذكروني بالاصلع المجنون تريفر اللي بلعبة جراند ف البلايستيشن و Xbox..😂
لما تسوق الطيارة ياولد حماس طبعا هذا حماسهم مع الألوان
و لما تطفش تنزلها فالبحر بقوة وانفجار ونهاية فنش مثل توقعاتهم..🤣
المهم يجي الوسم والشتاء واحنا ماشفنا شي من هالالوان..
ونجلس نمص حمر كالعادة..
الشاهد
اذا نبغى نتكلم عن الحرارة نعم بالنسبة لينبع وغيرها هذي السنة غييير..
ودرجات حرارة منخفضة..
لكن ليس دليل ع ان الموسم القادم ممطر او غير ممطر..
بالنسبة لي الافضل متابعة النماذج اليومية وتراكمي اسبوعين هي الاصدق نسبيا..
والاكثر دقة ع الاطلاق بعد مشيئة الله هو الميدان..
اما غيرها راح تستمتع مع اغنية عبدالكريم بتشوفني مثل السراب مثل الوهم مثل الضباب..😉