[تناهيد]

[align=center]
يالنجم سولف لي عن آخر لياليك
قال إنت سولف لي عن اللي صبرته ؟!

قلت إش تبي ؟ قال السهر معْ معاليك
قلت إسأل ؟ وعنْك الحكي ما قصرته

قال الوفا ؟ قلت الوفا اللي يخليك
تشعر بلذة ليلك / اللـي سهرتـه

قال الجفا ؟ قلت الجفا اللي يوريك
كم صبح من عمرك يجي / ماحضرته

. قال الصديق اليا غلط بس يغليك ؟!
قلت الصديق / إن كانه أخطى عذرته

قال الردي وش ردّك اليا حكى فيك ؟!
قلت الردي ؟! عن كل رد إحتقرته

قال الذراع اللي يبي كسر أياديك ؟!
قلت إيهبا / من قبْل يكسر كسرته

قال الطموح اللي بعمرك مخاويك ؟!
قلت أقدره / وإن قدَّر الله / قدرته

قال الجروح ؟! إن كان به جرح مشقيك
قلت أضحك / وعن كل عاذل سترته

. قال الطريق إن كان ماهو بيغريك ؟!
قلت إن نويت أمشي عليه / إختصرته

قال الصواب اللي عن الضيق يغنيك ؟!
قلت الله / ثمَّ اللي هقيت وذخرته

يالنجم خذني في مداك وحراويك
محتاج ماآفكر / وش اللي خسرته ؟!
[/align]