الى اخي الغالي الشاعر بندر الخنيفر هبوب هذي هديه متواضعه ارجو لها القبول في قلبك لا نها طا لعه من قلبي ونت والله تستاهل اجزل منها اخوك سحاب الشويب
بعض البشر لو تعرفه من سنه نوح
ما تعـرف سلومـه و لو با ع مشري
وبعـض البشر لو ما يجيلي انا اروح
وهـذا ا لهبـوب الـي تعلـى بقـدري
الشا عر الي با الشعر با ني صروح
اطرب لشعـره وينفـرج ضيق صدري
جعل السعا ده يا الولي فيه ما تروح
انـت الــذي تـعـلـم غـــلا تـه وتــدري
يا بنـدر الضيـقــه لـها با الخـفا فـــوح
عـيـت تـفا رق خا فـقـي ليــه مـدري
يا بنـدر عيــوني بـها الدمـع مسفـوح
وبا نـت مـجا ريـها علـى الخـد بــدري
اشكي عليك الحا ل والحا ل مفضوح
يا الي بقا فـك ينجلي الهـم ويـسري
سحاب شقراء
-----------------------------------------------------
ورد علي
الله يرفع قدرك
سلمك ربّي من وجَع هَم وجْروح
وارفع بقدرك ،، وانت علّيت قدري
أهلاً هلا يا توأم الرّوح للرّوح
عل الجروح اللي بك الحين تبري
ان كنت شاعر .. للمشاعر معك بوح
شرواك ناسٍ بالضّماير وتدري
وش لك على المكتوب والسّر مفضوح
بعض الغرام بداخل العرق يجري
خذني كتابٍ (مثل ملقاه) مفتوح
تقراه في ممساك وبالصّبح بدري
لو كنت في شقرا على اشيقرْ تروح
ويا وجد حالي من هجوسٍ بتسري
مااحدٍ على الثاني له اليوم مصلوح
قدّمت لك ردّي وشكري وعذري
والا انت غالي لو طلبْت اعظم الدّوح
جيتك بها دام انت غالي بصدري
خذ غايتك وان كان ترحل فمسموح
وكانك قويْ تقوى على البعْد هجري
ما بيننا من زلة الهَرْج مدموح
كلٍّ يقدّر .. ما بنا وجه ودري
هذي كتابي والقوافي على (اوح)
في صدرها ، والعجز بختم بها (ري)
هبوب