اقتباس:
المشاركة الأصلية كتبت بواسطة عبدالمحسن الرحمه
من جديدي
معانات ابن أخي بعدما طلبت منه زوجته الطلاق بعد عشرة طويلة
وفي أحضان هذي العشرة طفلين وابن أخي يحبها ومازال يحبها
من فوق ضلع طويق والشمس غايبه/
هليت دمع العين والنفس طايبه/
طابت من اللي خان ذكراي وابتعد/
حسيبه الله يوم قفت ركايبه/
أجر صوتي كلها أسباب صدته/
لوا عذاب القلب زود لهايبه /
يمر بي وقتي وأنا الفكر معتجب/
على سواته يوم زلت سحايبه/
ليا هبوب النود هبي بريحها/
ينعش لقلبي كان هبت هبايبه!
ياوجد حالي وجد غايب عن البلد/
زود ن على الغربه كثيرة مصايبه/
ياقوّ قلبه يا هلي كيف ما رحم/
كل الرجاوي في لقا الخل خايبه/
ياعاذلين القلب ياحر فقدها /
كبدي بعد فرقا أريش العين ذايبه/
لو وصلها ممكن وحيد ن وصلتها/
والله لاأصلها لو الرجل عايبه/
العيش ماله طعم ياناس دونها/
من زود همي شوفوا العين شايبه/
ماتنفع الخفرات لو يجمعونها/
عنها بليا شك ماهيب نايبه/
خيالها ماتفارق العين طلته/
لو إنها ياناس ماهيب ثايبه/
عشت بسعاده ياعرب في وجودها/
عن شي يسعدني فلاهيب هايبه/
لاهمت في حب الحبيبه وضرني/
لاتعذلون القلب وأرياي صايبه/
على وفاق سنين عده قضيتها/
ماأدري لنا الأقدار هي ويش جايبه/
لو الوصل يآتي بقوه وصلتها/
لو إن الدمي في شذرة السيف رايبه/
عزيت نفسي بالصبر وانتهى الصبر/
ياكثر ماأنصحها ولاهيب تايبه/
|
شاعر المواقف الإجتماعيه
عبدالمحسن
صح لسانك حتى ترضى ..
أبيات تسطّر بماء الذهب ..
أسأل الله تعالى أن يلم شملهم ..
اللهم آمين يارب
ولك منا كل التقدير
رذاذ