[رذاذ]

المشاركة الأصلية كتبت بواسطة سحاب شقراء

هذي قصيده لي وجاني رد عليها قلت تشوفونها





ويـن المقــدر او غــدا الـيــوم ســواح


قــولــوعسالــي فــي المقاديــر خـيــره


حـطـيـتــوا من طيـبـي طعام ٍ وملـواح


لجــل الطـيـــور الـــي تبـيــها تجـيـلــه


وما راح راح وصـيــر المـوج يـنـزاح


ونا مـثـــل ما قـيــل حــالــي ستـيـــره


ومـن راح خـلــه لا تقـولـون وين راح


خـــل المـقــفـــي لا تـخايــل مسيـــره


والله كـــريــــم يــبــدل الـهــم بـفــراح


والله كــــريـم ٍ ما يـخـلــــي دخـيلــه


وشعاد لــو مالــي مـع الـناس مفــتاح


الله كـــريــــم ويــرزق العبــد ديــره


ولجـل الغـلا ماتنـزف جـروح جراح


واللي خلــق سبـع الطــوابق يديــره


ياما تحـمـلــت الغــثا والغــثـا فــاح


ومحـد ٍ سمـع بالحـوت داعيه غيره


اصبـرمثـل من صابـه الكي لوصاح


يرجـي الشفـاء من واليـن مستجيـره


والبيت مـن دون العمـد ما بـه افـراح


لـوجــودوها اطـنابـــها المستــد يــره


والحـق حـق وصاحـب الحـق بسلاح


لا تقــربــه ياخــوك ونفسـه حسيــره


والبـعـد احسن لا غـدا القـرب فظـاح


ومــن لا يـــودك كيـف تقــدر تشيـره


اعطيت من نفسي جزيلات وصــحاح


مثــل الغــمام الــي تــبارق مخــيلــه


ثــم امطــرت بالطيب والطيب فـواح


بــارض ٍ صبــاخ ما يخضــر مسيلــه


ولا جـنـيــت الا الشــقا والشــقا ناح


ومـن زود ما بـي صار همـي يشيله


للــناس بالــدنـيا مــرامـي ومسراح


وكلـن يشوف الـدرب وعقلـه دليلـه



سحاااب شقراء


------------------------------------------------------------------

وهذا الرد من احد الشعار الغالين

بسم الله الرحمن الرحيم
قرأت هذه القصيدة للشاعر الحبيب (سحاب شقراء) وأستأذنه بهذه الأبيات:





أبيات لاحت لي كما لاح مصباح
.......................... واظفت على الظلما تباشير نيره

سحاب قلّبت المواجع والاتراح
........................ ورجعّت لي من سالف الوقت سيره

يوم المقدر قد غدا عنك سواح
........................... يالله عسى لك في المقادير خيره

هذا الزمن يوم(ن) يبشر بالافراح
........................... وقته يمر اسرع من البرق سيره

ويوم(ن) يصير الوقت للناس سفاح
............................. زمان ما يصفي على ادنى وتيره

الوقت لو يرجع ولو قيس مرواح
............................... ياكثر من وفر من الكيس نيره

والكل منا لو مضى الوقت نزاح
............................ والفايز المغبون من طاب سيره
آل – بوهلال التميمي (ابوراكان)

رائعه .. رآئعه .. رآئعه ..

قصيدة والشاعر سحاب شقراء !!
هنا ناخذ وضع التركيز ،،
وندخل عالم التأمل والإبحار فيما كتبت ..
وبين كل بيت والآخر نبتسم ،، نهزُّ رؤوسنا لنعبّر عن الأعجاب بما قرأنا ،،

تعجز أحرفي أن تستطيع الوقوف أمام كمّية المشاعر المندثره في أبياتك ..
صح لسانك شاعرنا سحاب شقراء ..
مدداً وشعراً ونثراً وحرفا ،،
وصحت يمين الشاعر بوهلال التميمي ..

أرفع القبعّه لك ياسحاب إجلالاً وإحتراما لما كتبت ..
هُنا ارتويتُ شعراً حتى إكتفيت ..



رذاذ