من دنيتك مادام تنفي وجودي...ليه انتظرك تقول مع السلامه
ابنسحب في عز واعلن صمودي..قدام لاتكثر علي الملامه
لوماوفيت بكلمتي مع عهودي...لاخير في شخص يعود بكلامه
لو ذبلت من زود صدك ورودي....لاجل شموخي ماعليها ندامه
الحب من تاريخ عاد وثمودي....نبض القلوب لحد يوم القيامه
منه استمد الصدق واوفى عهودي...واعيش قسوة لوعته وانسجامه
اجازي الطيب بطيبه واجودي...واكن من قدره وازيد احترامه
ولا انت من طبعك عنيد وجحودي...نكرت طيب اللي عطاك اهتمامه
لانافع نفسك ولا فيك زودي....الحب تجهل في قواعد نظامه
وقبل ماتنفي من حياتك وجودي...يموت حب ولاتموت الكرامه