كافـــــي تلومـون الزّمــــان وعقْـــــرب الســــاعه يدور
نفْس الشّهر .نفْس السنه ..نفْــس الفصول الاربعه
اللي تغيّــــر واختـــلف ..صــدْق المبادي والشعور
طيبــة ملامحــنا تـــوارت ..تحْـــت زيـــف..الأقنـعه
صرْنا نحب المال مـن حـب المظاهر والظهور
نرْفع مـــقام اللـــي معـه ... ونهمّـــش اللــي مامعه
صرْنا نشوف اكتافنا ..لأهـــــدافنا ..جسْر العبور
ونبيــع حـــــتى ..لـــــو كــرامتـْـنــا عـــشــــــان المنـــفعه
الفقر يمــلانا ..جـزَع ... والمـال يمـــلانا غــــرور
وان مــا خــدم حبـْـل المـــودّه مصلحتـــنا..نقـْطــعه !
كانت صغار بيوتنا بس السّعه وسْط الصدور
واليوم نسْكن فـــي السـْعه ..بصدور مافيها سعه