[رذاذ]

،؛،؛،

بقايآ حرفي الشاعر..يقول الشعر بي إبداع=
وانا والشعر من دونه يتامى في أمانينا ..


أنا والشعر في بحر ٍ مثل مركب بدون شراع=
يضيع الشوف باهواء ٍ ولا بانت مراسينا ..


نجابه موجنا الثاير ..ويجذبنا أنين القاع=
نسّلم أمرنا لاجله..ونطوي له أيادينا ..


نعم سلّمت واستسلمت..وشعري للأمر ينصاع=
نموت احسن ولا نحيا..على تذكار ماضينا ..


تذكّر من عزف شعري..على لحنٍ بدون ايقاع=
تذكّر من حضن حرفك ..وكان البحر والمينا ..


تذكّر من جعل حبري..يخط النور دون يراع=
تذكّر يمكن الذكرى تكون أجزل معانينا ..


نظمت الشعر من قلب ٍ نهيته يبتعد ..ماطاع=
وعشقت الشعر دام انه صدح بأجمل اغانينا ..


بقى يرسم لنا عابــر.. ورسمنا صفحتين وضاع=
برغم انــّا بقينا به.. ووقته باقي ٍ فينــــــا ..


ترى مادامها دنيا..فلا نجزع لوقت وداع=
يفجّر دمعنا لحظه..لاجل نضعف وينهينا ..


مسير الحي يتلاقى ..وتقول الشعر بي ابداع=
ومسير الشعر يجمعنا..ويكتبنا ويبدينا ..

،؛،؛،