اقتباس:
المشاركة الأصلية كتبت بواسطة صبح المطر
السلام عليكم
بمناسبة الامطار الي هطلت هذا اليوم
وسعدنا بتناقل أخبارها وبشائرها
،
عسى السحاب اللي تنصب وساقا ،،، بشرى الوسوم الصادقات الرويات
يا زين نشوه يوم ضف وتلاقا ،،، وأظلم وبراقه يزف المخيلات
بآخر بروج الصيف زان وتساقا ،،، سرى على ذكرى الليال الخليات
جر الخفوق وحن شوقي وتاقا ،،، وأشرفت في روس الجبال الطويلات
أخيل برق ٍ بالمعاليق لاقا ،،، شد انتباهي والمشاعر سنيات
كريم يا نوض ٍ يعيد الصداقا ،،، يشعى مهاديل الغصون المحيلات
وارف نداه يزيد عمر العلاقا ،،، شذى الوله وسط الرياض الزهيات
والشوق واجد ناسه اللي غراقا ،،، ما ودي اسهب واستبيح الخفيات
بيني وبينه بس سلك ٍ دقاقا ،،، يثيرني دايم واثير الجزيلات
صبح المطر
|
والشوق واجد ناسه اللي غراقا ،،،
ما ودي اسهب واستبيح الخفيات
بيني وبينه بس سلك ٍ دقاقا ،،، يثيرني دايم واثير الجزيلات
،؛،؛،
الله ... الله
مبدع ورائع وجميل جداً ومتألق ومتميّز يا أبا زياد ..
~
لا أجيد صيآغة مابداخلي من إعجاب في سطور فالتعابير تتغير والاحسآس يتبعثر..
فـلله درُّك على هذا الجمال الأخآذ ..
حماك ربي وأسعدك في الدارين
اللهم آمين ..
رذاذ