[الشايب]

السلام عليكم ورحمة الله

أتمنى من الي يقرا موضوعي انه ينتبه من عملية نصب صارت لي لما غيرت كفرات سيارتي التورس 2011 وبسبب اني مشيت على الكفرات اكثر من سنتين ونص قررت اغيرها ورحت محل في الدمام وكنت ناوي اركب نفس نوعية الوكالة بس للاسف ما لقيتها موجودة ولا حتى في وكالة جودير
بعدها قررت اركب كفرات تويو مقاس 45/245/19 لما سالت اليمني عن سعرها قال لي سعر الكفر 1000 ريال بس اذا تعطينا الكفرات القديمة راح نحسبها لك ب 900 وانا وثقت فيه لما قال لي ما راح تلقاها ارخص من هذا السعر في اي مكان وتوكلت على الله وركبتها بس بعد ماركبتها حسيت ان فيه عملية نصب وقلت خليني أتصل على وكيل تويو واستفسر عن سعرها ولما اتصلت صدمت ان سعرها 650 ريال ونفس تاريخ الصناعة وهي نهاية 2012 طبعا بعدها على طول رجعت الى اليمني وقلت له انك نصبت علي باكثر من الف ريال وانا اطالب ترجع لي المبلغ والا بتصل على حماية المستهلك واخليهم يقفلوا المحل وبعد مشادة معاهم رجعوا لي من الالف ريال 800 ريال .واتمنى من الجميع ينتبه من عملية النصب ولا يستعجل وانصح ان يشتري الكفرات من الوكيل نفسه .
وتقبلوا مني خالص تحياتي

منقول من فورد العربيه تاريخ الموضوع امس الاربعاء ١٩/٦/٢٠١٣