[سحاب شقراء]

المشاركة الأصلية كتبت بواسطة غانم الضومري

متـواضعه
أتمنى ان تنال استحسانكم وذائقتكم الكريمة

فك الغطاء واكتب على ما تهيا
الحبر عندك لا تخاف انقطاعه

البارحه جفني عن النوم عيّــا
يحرم علي النوم لو ربع ساعه

رقيت لي ضلـعٍ صعيــب الرقيا
عديت راس الضلع رغم ارتفاعه

اخترت من بين النجوم الثريّــا
وحداني المرزم بقوة شعاعـــه

وقاموا معه كل الكواكب حميــا
وكثر العدد يمنع قـوي الشجاعه

اللي نبيهم عنهم الحظ عيـــا
واللي يـبـينـا مالنا به قناعـــه

يا دار وين اللي منول هنيـــا ؟
ما كنهم يا دار كانوا جماعــه !

الله على شوفـــــة كريم المحيـا
الله على صوته وحسن استماعه

لا يا زمن وش فيك دايم كــذيـــا ؟
تجمع تفرق قبل لحظة وداعــــه

وصلاة ربــي عـــد من قال حيــا
على الصلاة الحق صلاة الجماعة

تحيتي

بيض الله وجهك يالغالي

وماشاء الله عليك والله يحفظك من كل شر

اللي نبيهم عنهم الحظ عيـــا
واللي يـبـينـا مالنا به قناعـــه

ومن غير نقص بالباقي بس ذا البيت عن ديوان

رائعه من روائعك يالغالي