يدك لا مدت (
(سعد بن جدلان)
ودنا بالطيب بس الدهر جحـاد طيب
كل ما تخلص مع الناس كنـك تغشها
يدك لامدت وفاء لاتحرى وش تجيب
كان جاتك سالمه حب يـدك وخشها
كل ماشبيت نار المحبـه مـع حبيب
قام يسحـل فـي مشاهيبهـا ويرشها
وكل ما واجهت لك فالزمن وجه غريب
مثل ماقال المثـل دام تمشـي مشها
وذمةٍ ماهيب تنـدار للحـق المصيب
جعل قشاش الحطب لاسـرح يقتشها
المشاركة الأصلية كتبت بواسطة خالد الحريص 