[الممتاز]

المشاركة الأصلية كتبت بواسطة غانم الضومري

حبيت أنقل إلى دكة الشيبان قصة نويشي .. وفيها قمّـة الوفاء للخوي

نويشي بن ناشي المشيعلي من بني عمرو من حرب .
له جار يقال له اليتيم من احدى القبائل المجاوره قدم الى قبيلة نويشي واصبح جارا لـنويشي وربعه .

السلام عليكم

الله الله عليك ياشايب قصدي ياغانم

روعه قصة نويشي بس على فكره لدي سوال علي الطاير من اي القبايل ينتمي جار وخوي نويشي

المشاركة الأصلية كتبت بواسطة غانم الضومري

وهذه قصة من أكثر القصص التي أُعجبتني وهي قصة الشيخ بداح العنقري التميمي
الشيخ بداح كان أمير لثرمداء في وقتها
ومما اشتهر عن بداح أنه شجاع وفارس وكريم
كما أنه كان هواويا مثله مثل ابن سبيل وغيرهم ..

يوم سمعت البنت كثرة الهرج والكلام قالت : الي ذبح فارس يجيب عنان الفرس ورمت بـ الاعنه الي عطاه بداح لها .
وقالت لبداح أنها موافقة على الزواج .

بعد ما سمع بداح كلام البنت قام وقال هالقصيدة :

الله لحـد يـا مـا غـزينـا وجينـا
ويامـا ركبنـا حاميـات المشاويـح

ويامـا علـى أكـوارهـم اعتلينــا
ويامـا ركبناهن عصيـرن مراويـح

ويامـا تعـاطـت بالهنـادي يدينـا
ويامـا تقاسمنـا حـلال المصاليـح

وراك تزهـد ياريـش العيـن فينـا
تقـول خيال الحضر زيـن تصفيـح

الطيـب مـا هـو بـس للظاعنينـا
مقسمـن بيـن الوجيـه المفـاليـح

البـدو واللـي بـالقـرى نازلينــا
كلـن عطـاه الله من هبَّـة الريـح

يـوم الفضـول بحلتـك شـارعينـا
بالشلف ينحونـك سـوات الزنانيـح

يوم انجمر رمحي خذيـت السنينـا
وادعيت عنك الخيل صـمّ مدابيـح

هيـا عطينـا الحـق هيـا عطينـا
وإن مـا عطيتينـاه والله لا صيـح

أصيح صيحـة مـن غدالـه جنينـا
وإلا خلوجن ضيعوهـا السراريـح

يا عود ريحانـن بعـرض البطينـا
ومنين ما هب الهوا فاح لـه ريـح

لا خـوخ لا رمـان ولا هو بتينـا
مشمـش البصـرة ولا بالتـفافيـح

وخـدن كما قرطاستـن في يمينـا
وعيـون نجـل للمشقـا ذوابيــح

صخـف بلطـف بـانهـزاع بلينـا
يا غصن موزن هزعه ناسم الريـح


شكرا لمتابعتكم دكة الشيبان ..
تحيتي .. شايب

الله لا يهينك يابو سامي
ابيات اكثر من رائعة وقصه كذلك

لكن لدي طلب قصة وقصيدة للبنت ورد الاحمدي عليها
الي تقول
تستاهل الفنجال ومواسد الراس
اعتقد كذا مدري حوله