[بقآيآ .. حرف]

عطيتهم صـدري نهـر واشربونـي
........................... حسبي عليهم جففونـي و أنـا حـيّ

جوني مثل سرب الجراد .. اهجدوني
........................... تناهبونـي مـتركـوا حاجـة ٍ فـيّ

لفَّـوا علـيّ إحبالهـم واخنقـونـي
........................... و انا لا جاهم بـرد أتغطِّيهـم ايْـديّ

يا ليتهـم مثـل الغريـب ابعيونـي
........................... مير البلا أبعدهم أقـرب مـن الخـيّ

ويوم اشْبعوا جوني حزن و طلبوني !
........................... ادمح خطاهم و الطعون اشهقت : عيّ

وشلون اسامحهم و انا ايَّـام كونـي
........................... كل ما ذكرت اوجيههم تمتلي غـيّ !

يـَا هـيـه والله من كثر مـَ طْعنوني
........................... يـَ الله وِِيـَ الله انقل اعْظام رجلـيّ




الفقد و أنت ِ و الحنيـن و ظنونـي
........................... أشياء من صغري و هي تزدحم بـيّ

ياما بَعَدْهُم ألْمـح ايْديـن .. دونـي

........................... تاخذ كثير و تترك إلـْ

اشْويّ

شُوفِي فقدت امْـن الغرابيـل لونـي
........................... كني غصن شاحب ورق .. ينتظر ميّ



هذا أنـا مـن غَيّبـوا و اتركونـي
........................... نفس الملامح و التفاصيل هِـي هِـيّ