اقتباس:
المشاركة الأصلية كتبت بواسطة الركام
يادكة الشيبان مانيب زعــــــــــلان
والشيب لو ماقلت فيني يبينــــــــي
لا والله الا امر دايم وولهـــــــــــان
واحبكم ياللي تطرون ويــــــــــنــي
واحيان عند النت جالس وسهــران
لكن ما اقدر اترجم حنينـــــــــــــي
يطري فرح ساعة وساعات احزان
ولا ودي اكتب كل شي حزينـــــــي
وان قلت وقتي زين فالصدق مازان
ومانيب شاكي لغير رب عوينـــــي
|
ياشاعرٍ له باع في نظــــــم اللـــــحان
شــــــاعر على معنى وقـــافه ثميني
يازن جـــــديدات المـــــعاني بميزان
من فيـــــض نهـــرٍ بالمعاني معيني
عن دكة تلقاء بها ارجال شـــــيبان
في شـــوفهم ترتاح روحي وعيني
كســـــــابت الطــولات في كل ميدان
في عصرنا الحاضر وماض السنيني
معهم نســــج ومع طويلات المتان
وفي غيرهم عجزت للقــــا وزيني