مما راق لي بين اوراق مكتبتي
يقول من هاضت خوافي ضميره
بقافٍ يبين للحقـــــــايق وللباس
من ضــــامرٍ عنده بكل بصيــره
ولما يدور بساحة الكون حساس
ودي اليا سجيت عقب الظـــهيره
اليا ذعذت نودٍ اداوي خو الراس
يكون ملفايه وجيهن ســــفيره
وعلومٍ تسلي مابه رمز مساس
ناصين حلوين النباء والســـريره
طبعٍ لهم ميراث ساسٍ على ساس
ومجالسٍ فيها للذكار ســــــيره
للخير بانواعه مناره ونبراس
ولا ود من عدها زومه مصيره
متعالياً ممشاه كبر وتغطراس
يحس في زوده علىكل غــيـره
وفي خلق خلاق المخاليق ميقاس
واشعار مدري بالعلوم الغزيره
بحورتضاهي مستوىكل غطاس
وانا مشـــفت بشي قلبي يعيره
هم ولاجالي على البال هوجاس
وختامه للســـــــامعين التعذيره
وبيان لسباب التوري عن الناس