اخواني واحبابي السلام عليكم
هذه ابيات حاولت عن اذكر نفسي بها واذكر كم
وهي تعبر عن نفسها
ما فات من عمر الفتى لا تعده
وللي بقا تطويه ســود الليالي
عمر الفتى مده وياصل ألحده
ولينتها المكتوب شد ألرحالي
له غايبٍ لا جاه محدٍ يصـده
لا من بعيد ولا قريبٍ أموالي
لو يجتمع طب البشر مايرده
ديان بظروف المــلا مايبالي
يرحل عن اللي في حياته يوَده
خلانها ومـــــــــوالها ولعيـالي
مايروح منها غير في شاش قده
يطلع منه والكف والجيب خـالي
ويقدم على اللي قدمه يوم جده
حصيد محصـول الليال الخوالي
ما تكشف الأيام لناس ســـــده
مستأثرٍ في غيبها ذا لجــــلالي
يانفس كوني للسفر مســـتعده
قبل نزور اللي أركـونه هيالي
بأحلام ليلٍ يالعيون المــــخده
لينكشف ستر الغطا عنك زالي