[بقآيآ .. حرف]

المشاركة الأصلية كتبت بواسطة معاووون المشراف

ليـه وطيـت عـن خيـل السـروج = ليه مديـت عقـب القـراح الهمـاج
لا تجمّل لي الغلطات والعوج عـوج = يضحك احجاج ولا ينعقد لـي حجاج..

ليه وطيت عن خيل القصيد السروج
.......................ليه مديت من عقب القراح الهماج
لا تجمل لي الغلطات والعوج عوج
..................يضحك احجاج وإلا ينعقد لي حجاج
اصبر اشوي وش علمك تهوج وتموج
...................ميت القلب مثلك مايعرف الهياج
ماتعودت اجامل معتلين البروج
................الزم العلم قبل يصير هرجك سماج
المشاعر تجي مثل المعاصير هوج
.............. وإنت مالك على هوج الرياح احتجاج
جيت وقلوب حسادي تميل وتروج
...............لا صفى جوهم ساعه قفاه العجاج
ابتسم لك وهمي فوج يقفاه فوج
..................من يحبك لزوم ايصر مثلك هجاج
بس قلي وانا غلطان لك ومحجوج
.................وين يلقون لجروح النواعس علاج
القمر غاب وانت اطفيت نور السروج
............قلت يكفيك نور الوجه الاصبح سراج
كن بين الضلوع العوج صفقات موج
............يوم فاض الغلا والشوق والقلب هاج
ضيقة الصدر لو بين المحاني تلوج
.................كل ضيقة لها عند الكريم انفراج
ماهو الغيض سبت كل ابو هالهروج
..........بس مالي على بعض السوالف مزاج