[خالد اللحياني]

ياااااااااااه ييالخرج بحول الله بجيها زياره
تدري ليش ؟
لأني جلست فيها سنة كاملة بحكم عملي
ونقلت منها
ولكن والله سنة من أفضل السنوات
تعرفت فيها على أهل الخرج اللي والله ثم والله لم أجد مثلهم في سعة صدورهم
ومن ذكرياتتي فيها
موقف طريف صار لي ... تعرف إشارة بنده وانت جاي من جهة ملعب الشعله رايح لوسط المدينة يعني رايح لطرييق القاعده ؟؟ أنا جيت مناك واخذت قبل الاشارة اللي عند بنده يمين والمهم حاست السيارة علي رغم اني ماكنت مسرع لكن كان معي كورولا والسيارة ريشه طبعا المهم وطلعت الرصيف اللي عند الاشاره لكن الحمدلله ماوصلت لعمود الاشاره هههههه والا كان رحت فيها والعقال طاح وراسي ضرب بالسقف والناس تدق بواري وانا في قمة الاحراج الشديد جدا خخخخخخخخ
ولا انسى نادي بودي ماستر كان كل بعد مغرب نلعب كورة باليمامة
ي
وما انسى يوم جنا مطر ديم لايام استمر معنا كنت ما انام بسببه كل شوي وانا مطارد مع السحب مره تجاه خريص ومره تجاه الحوطه ومره تجاه الرياض

وأذكر مره وقت المراوييح رحت اطارد سحابة بخط لرياض المهم جانا منها مطر طيب بعد الهياثم ب20 كيلو ويوم وصلت الرياض عند بداية الدائري الشرقي جانا برد بغى يكسر السيارة
الله على ذيك الايام بس