[الصلبوخي]

المشاركة الأصلية كتبت بواسطة اتيكا

يـرف قلبـي لانظـرت البـراري ...والبـر أحبـه وأرغبـه وأتمـنـاه

يرتاح بالي لين شفـت الصحـاري ...وشوف الخزامى زين شوفت رعاياه

ياخال هات الجيب جيب السفـاري ...حيث السفاري يعجب الناس ممشـاه

نمشي لـدار الجـود والعـز داري ...تمير دار الجـود والعـز والجـاه

لاضاق صدري حل في القلب طاري ...أروح يـم البـر والهـم بانـسـاه

وأجلس بوسط الروض وأشب ناري ...وأرتاح من جـو النكـد والمعانـاة

جو المدينة صاب راسـي عـواري ...جـو المدينـة ياهلـي مارغبـنـاه

لو هو بكيفـي ياسعـد وأختيـاري ...انسى البلد وأنسى دروبـه وطريـاه


قصيدة رائعه من شخص أروع

صح ألسان شاعرها ومنشدها وناقلها

والله يجزاك خير ويرحم والديك عن النار أخوي أبومحمد

ويشافيك ريي ويعافيك ويطرح البركه فيك

بلغ سلامي لأخوي أبونواف ولجميع الأخوان في الخيمة الشعبية

اخي الكريم ابومشعل لقد شرفتني بمرورك الكريم

وهذا المنتدى ورجاله يستاهلون كل خير

وااله يتقبل دعاك

وابشر ان شاء الله اوصل السلاام لأبونواف