طال الغياب ولوّّع القلب فرقاك
واحترت مدري كيف اوصّل سلامي
يازين قلّي وين ودتك دنياك
من غيبتك ماذقت حلو المنامي
أنا أشهد إنه لاطرالي محياك
يطري علي وجهك وبدر التمامي
يوم أتذكر ذيك الايام وياك
يوم ان قلبك هايمٍ في هيامي
قبل العواذل لاتغيّر نواياك
يوم أنت تغليني وتسمع كلامي
العام انا سيّدك وآمرك وأنهاك
وأفرض عليك مع الغرام احترامي
اسمي ليامنك نطقته على شفاك
يصير حتى اسمي من احلى الاسامي
اجوع من سبة محبتك واضماك
واروى على شوفتك لو كنت ضامي
هذي مراسيلك وهذي هداياك
ماعقبها حاجه تثير اهتمامي
والله ياصدك وهجرك وجفواك
ماغيرت من عزتي او مقامي