[عبدالمحسن الرحمه]

أنا تاجر أدير السوق أزيد السعر والعب به
فلا همي كبير القوم من قاصي ومن داني
أنا الغطاس ببحوره قوارب ربحي تسبح به
أشوف الناس غرقانه تناديني وترجاني
أنا همي جيوب الناس أهلي به وأنا فرح به
حكمت السوق بسعاري نبيه العقل فهماني
ماحب اللي يجادلني بسعر السوق ماحب به
أحب اللي ليا منّه شرى يشري بكتماني
مؤشر سعري الغالي كما البستان أنا أمرح به
ضعاف الناس من حوله تناظرني بلا عياني
أنا مخشا قرارات ٍ تحارب سوقي وتسب به
يبوني أرجع بعالم كساه الفقر بألواني
يمر اليوم ثم باكر وسوقي ما حدن طب به
رياح الفقر ذبتني بربع الخالي طفراني
سهرت الليل مع همي ودمع العين منصب به
على ما كان من ماضي بطلها حلمي الباني
ياليت الحال ترجع لي ولو مره أنا أسعد به
ولكن ( ليت ) ما تنفع ولاهي ترفع الشاني
ألا يا الله تغفر لي تركد حال مشتب به
وأنا اللي راجين منك تجازيني بالأحساني
ألا يا الله ترزقني تعجل به وتنهج به
ولا لي غيركم ربي يرروف بحال خسراني