يا بقايا القلب يا بنت الكرام
يا عسى وقتك يسليه السعد
جعل جوك دام ٍفيه السلام
ما يفارق كم مثبت بالوتد
أنتي نور البدر في وقت الظلام
يحفظك ربي من أنفوس الحسد
يا سلام الله تحية واحترام
للخوالد ريحها ريح الشهد
أهل معروف ٍ بهم دوم الدوام
نهجهم واضح على صدق الوعد
يا هبايب عجلي سوقي الغمام
بأذن ربي واحد ٍ فرد ٍ صمد
أمطري ديم ٍ على طيب المقام
طيب منشاها على الدين اعتمد
هي سمو الخير ما فيها كلام
تبذل الغالي ولا يدري أحد
في ظلام الليل والعالم نيام
تركع وتسجد بلا حصر وعدد
في ليالي البيض تشرع بالصيام
تعطي المحتاج لأمنه نشد
الكرم فيها من أعوام ٍ قدام
تحضن لأيتام لأمنّه فقد
لأفقد حضن لأمومة باهتمام
لأبدى ليله تهده بالمهد
يا لأبيه يا عسى رب لأنام
يجعلك دايم بخير ٍ للأبد