مشكور أخوي هادي على لفتك لهذا الموضوع وأرى أن الأجهزة البرية المستخدمة منها الكنود ومنها القارمن والذي لايخفى عن الجميع فوائده
أذكر في إحدى الكشتات في الدهناء حطينا غطاء بريق وجا بينا حقوق إن لقيناه بعد مده وبعد قرابة 8شهور أو 9 رجعنا على نفس النقطة ودورناه ولقيناه في نفس الشجرة...
موقف آخر في الصمان "أول ما طلعت الأجهزة" وصلنا حول روضة حسناء الظهر , المرادبعد ماتغدينا طحنا في بدوي راعي غنم وافقت أنه خوي لواحد من ربعنا ولزم علينا العشاء فقلنا له حنا نبي ناصل الرفيعة ونعود لك الليلة المهم طقينا الاحداثية ورحنا وخليناه خلصنا لزومنا من الرفيعة حول المغرب ورجعنا له .
أثر الرجال ما صدق يوم شافنا ولاسوى شيء "عقص يالحضران وشلون دليتو" قلنا الله يخلي لنا ذا الحديدة وقام ذبح الذبيحة ولاتعشينا إلاحول الساعة12 من الليل وكل ذا الوقت وهو يتهول وشلون وصلتوا
فأختم وأقول اللهم لك الحمد على هالتياسير وهالنعم
كل ذا " وما أوتيتم من العلم إلاقليلا"
أخوكم المهند....