[برق تمير]

السلام عليكم ورحمة الله وبركاتة ,,

تقدم لكم رحلتي الى روضه خريم مع الاخ فارس,,يوم الخميس الموافق 21/ 3 / 1432 هـ

بصراحه تفاااجأت بالربيع فيها وتفاجأت بالزحام الشديد ,,

واليكم الصور ,,

في البدايه الانطلاقه من ديرتي تمير مرورا بالتنهات ثم خريم,,

صورة للتنهات والجفاااف ..

وكانت الاجواء رااائعه جدا ,, ولفت انتبهاهي الكشاته فيها ,, لاعلم هل هم عشان الروضه ام الاجواء ؟؟

وبعدها سلكنا طريق التنهات الرياض وواجهتنا الجمال هذي ,,

ثم دوار الصمان ويالبيييه يالصمان ,,

ثم دوار الرمحية والحفنه ,,

واخذنا يسار يم الرمحية ورماح ,,

وهذه هي المسافه بين رماح والدوار

دخلنا رماح ورائينا هذه الاعلام الجميلة فرحا بقدوم المليك حفظه الله ورعاه ,,

ثم بعدها الى خريم بصراحه شي غير لكن مايستاهل العنوه 200 كيلو من تمير وصلناها واخذنا يمين الخط وكانك ماشي من دوله الى اخرى وشتان بينها وبين روضه التنهااات,,

نبات الحميض مالذ طعمه ..

ثم رحنا ندور مكان ولقينا والحمد لله ,, بس المشكله في المسافه بين السيارة والمكان ..

وتظبيط الكبسه

والحمد لله جهزت ,, وبسم الله ,,

واخذنا لقطات .. هنا وهناك

وتحركنا نغير المكان تفاجنا بهالسياارة ,,

سالنا المجاهدين الي حفظهم الله مرابطين على الروضه ,,اين الربيع الطيب قالو لي يسار الخط اطيب ..

فالحمد لله اقبلنا ربيع طيب بالحيييييييييل يستاهل العنووه ..

صدت هالمصور جاي يصور وينزل والله ان شاء الله انه في البراري ,, ترى والله مادرى عني ,,

شبينا الشاهي ع الدافور لان شبة الضوء ممنوعه

وهذولا صغار يلعبون كورة الله يخيليهم لاهلهم .. شوقوني للعب لكن ماحصل !!

تقهو يرجال

وشافوني هالصغار الله يخليهم لاهلهم وابلشوني وقالو صورنا ,,

ولقطات من الروضه والتعليق لكم

ويضا هالصغار جوني يقولون صورنا ,, بس هلالي ونصراوي ياحبي لتشجيعهم بس !!

وعمال النظافه ماقصرو في التنظيف !! ويظهر لي في الخلف البنات مبسوطات بالربيع ,,

وهذا فارس .. يسلم عليكم

وتقبلو تحياتي اخووكم فهد البرغش (( برق تمير ))

اتمنى ان يحوز على رضاكم ,,