اول حاجة الف مبروك الترقية ام الدانة عقبال الترقية لواء فريق ركن زاويه خخخخ
تستاهلين كل خير ومن حصل حاجه يستاهلها
ثاني حاجة عندي مواقف كثيرة ابقول واحد والباقي ابلبق فيه مواقفي اقولها مره ثانيه ان شاء الله
الوالد الله يرحمة كان كل سنة في رمضان يروح لمكة رمضان كله ياخذ العمال وثلاجات التمر ويفرش سفره افطار المهم اغلب القصمان يسكنون الشامية وابوي الله يرحمة كان لنا شقة ناخذها كل سنة على نفس شارع الشامية النازل على الحرم باب المدينة اخيكم كنت اويق مع الدريشة وصوت بأعلا صوتي للي يشحذن السمر الي من افريقيا ورمي لهن ريال عاد شوفوا الموقف الريال يلعب بالهواء والشارع مليان سيرات والربع الاعناق مشرئبه لريال وهاذي سيارة تضرب فرامل وهذي تعلق البوري والربع يطاردن الريال وذا نزل صار في شوي تكفيخ بينهم الله يتوب علينا
عاد عقبه تبت وبديت اجدع خمسة ريال هههههههه امزح صراحه حسيت بخاطي واشوا محد مات اصبات خفيفه وتبت وبعدها انتقلت للنفاخ الي مليان ماء خخخخخ ومكة لي ذكريات حلوه ومره عاد بعد تقريباً سنة ربي اقتص لهم صارلي حادث مع السواقين وحنا جاين لمكة في رمضان وجلست مكسور الرجل رمضان كله خخخخخخ