والله انك بتفضحينا عند الله وخلقه
من زمان كنت انا و ولد عمى وتوه جاي عندنا من الديره وفرحان وشاف الكهرب واللمبات تولع وتعجب وشلون يصير وهم ما عندهم الا السرج والاتاريك ( تراي كبيير ) وطبعا هو قصير ( يعنى قصير القامه ) ونضحك عليه دايم ونقوله يالقزم وانا استغليت ها الموضوع وقلت العب عليه وهم في الديره ما عندهم كهرب ولا يدري وش الكهرب الا بالاسم وقلت بلعب عليه اشوف وش يسوي
قمت وجبت سلك كهرب وحطيت فيه فيش
ومن الطرف الثاني طلعت الاسلاك وقلت له ترا لو حطيت الفيش هنا ومسكت السلك بدينك بقوه على طول تطول وتصير مثل الناس ولا عاد يعيرونك يالقزم
قال صدق قلت اييييه يالله جرب وتشوف
الولد ماصدق خبر
راح وحط الفيش في الكهرب ومسك الاطراف وكهربه الكهرب وصاح علينا باعلى صوته وقام ينتفض وراح لبوه وعلم علينا
طبعا لما جاء الوالد الله يرحمه وعرف السالفه شف العجب العجاب
الناس ضيوف عندنا ونسوي في ولدهم كذا ياللى ماتستحى
واخذت علقه وضرب ما انساه..
يالله افرحي يا ام الدانه وفرحي غيرك ..
ابو حمد،،