[أبو سيرين]

شربت من كـاس الحــزن والمعــــانـاه
ومــات قـلبي والله الـــيوم ... يحــيـيه

عـــادت لنا أطـــلال الـبراري بـعـد تـاه
قلبي في وادي الحــزن والـناس ترثيه

تحــاول الـفــرحه تـنـسـيـه مــا جــــاه
وتداوي جــروحــه ومــا كـــان يدمـيه

حسبي على من أوجــع القلب وأشـقـاه
واليوم يقـطــع حـبل وصـلـه ويرمــيه

أشكي لــربي ظـلمـه الماضي واخطاه
قلبي مــن جــروحــه مـن اللي يداويه

الحـمـد لله عــد مـــا .... ردد أســمـاه
مخلـوق في الــدنيـا وفي الليل يدعــيه

أبكي من الفرحـه بعد خفت مـا الـقــاه
مكـشــاتي اللي روحي اسـتانســت فيه

ولا تشوف عيوني من قصرت اخطـاه
عـن مجلـسـه والله ... يـرده ويـهــديه

غـــايب ولا لـه علـم والـلـيـل مـسـراه
غيبة يهـــود ومــوسى في قصـة التيه

أنا رفيقــه ما انـسى في العمــر ذكراه
لــو ينسى كل الـناس ذكــره ومـاضيه

عـــادت لنا الأيــام ..... والـحـمــد لله
لـعـلهــا خـيره وانـا حبي مــا اخـفـيـه

وخـتامـهــا صلوا على اللي مـــزايــاه
قــدوه لابن آدم ... وســيرته تـكـفـيـه