|
قصيدة في ربان البراري أبو ناصر
السلام عليكم ورحمة الله وبركاته بعد طول غياب أعود لكم في ساحة الشعراء بهذه القصيدة لشخص طالما استحق أروع عبارات الشكر والثناء شخص احتوانا جميعا بقلبه الطيب وسعة صدره القصيدة ... نويت الشعر باسمه وشفت الدرر طابور وقمت اتنقى باسم ابو ناصر كل جزلة تواست معاني والوزن ماهو ابمكسور لاجيت امدح اللي بالكرم طيب اصله خوين وفي للكايدة بالزمن مذخور ولامن نخيته بالزمن بان لي فعله من الله خلقني مانخيته وجا بقصور ماجاني سوا بابشر تراها علي سهله حفيد الهادي منزله فوق شم القور وله قدر على راسي ماحد بالزمن وصله عوين الخوي عز القرابه هنا المقهور ولو قيل في مثله جوابي مافي مثله ليا جيت له شفت الهلا بخاطرن مسرور وسبحان من حط الكرم فيه والقبله حرام الذي يزبنه ما يشتكي من جور وفزعته حاضر ما طلب زابنه مهله نعم فيك ابو ناصر على وقفتك مشكور نعم بك على اخلاقك ونعمين بالصمله عسى فدوتك عايش ولاكن مهو مذكور وعسى فدوتك من لا فرق شيحه وربله سراب الشمري تحياتي للجميع |
هلا بك سراب
وحمد لله ع السلامة ونور المنتدى بعودتك بعد طول غياب .اتمنى ان تكوني بخير مراقبتنا القديرة . يستااااااهل ابوناصر وصح لسانك على هاالقصيدة الجميلة ... مرحبا تراااحيب المطر ب سراب تقبلي تقديري واحترامي ،،،، |
صح لسانك اختي سراااااب
وعودا حميدا ان شااااااااااااااء الله فرحت كثير وفرح الاخوة بعودتك لبيتك من جديد تسلمين على هالابياااات الجزله يا شاعرة الحزم مشكوووووووووووووره سلام |
ابيات جزلة من شاعرة معروفة افتقدناها
وان شاء الله عودة للبراري بلا انقطاع اشتقنا كثيرا لحروفك اختي سراب وابو ناصر يستحق كل هذا وأكثر |
ما شاء الله لا قوة إلا بالله
أبيات جزلة وأبو ناصر يستاهل كل خير عودا حميدا لبيتكم الثاني أختنا الفاضلة / سراب |
يستاهل أبو ناصر الكثير والكثير
صح لسانك مراقبتنا كل التحايا |
بعد طول غياب (عدنا ) وكان العود احمداً
رحمنا الله واياكم |
عوداً حميداً إن شاءلله
|
يستاهل ابوناصر كل القصائد .
صح لسانك والطيب مايجيب الا طيب . الحمد الله على سلامتك .. |
يستاهل أبوناصر وماشاءالله أبيات جزلة وعودا حميدا لك أختنا سراب وأيضا نرحب بالشيخ عايد
|
| الساعة الآن 08:48 PM |
Powered by vBulletin .
جميع الحقوق محفوظة © لشبكة ومنتديات البراري 2010