|
النفوس الشحيحة
[align=center]السلام عليكم ورحمة الله وبركاته
مبطي عن القصيد وعن المشاركة في هذا القسم ، وأسعد بنشر قصيدتي هذه إليكم : أقـول : يوم غنّا الراشدي واوحيت حدتني القريحه وانتشى الهاجوس طربه وانتشط بعد استراحي شاعرٍ يجلب سمان الهرج ويكب النطيحه ويتخير من بكار الزين في وسط المراحي كنها من عودٍ ازرق طيبت ثم جاك ريحه تبهج القلب الحزين وتورث النفس انشراحي يابن نوره من صروف الوقت ونفوسٍ شحيحه دفقّت بير الهماج وجفّت البير القراحي فالسعة تلقى الوجيه بسام وإن ضاقت كليحه جلدة الحية جمال وحدرها السم الذحاحي تفترق عند اللزوم وتجتمع عند الذبيحة عود شجْره ينثني لا هب عاصوف الرياحي والجمل تكثر سكاكينه ليا قرّب مطيحه من نفوٍس راتعه في خيب وتحَسْد النجاحي ولاتَحَسْب أنّ النصيحة من بعض الألسن نصيحة تفرق الثكلى عن المستاجره عند النياحي بالعرب إبلٍ مئات ولارحول ولامنيحه لاتضويها ليال ولايسرحها صباحي والعمر مابين قوسين الفرح والله يبيحه وابن ادم للفنا يامستريح و مستراحي أخوكم / محمد ابن شليـويح . [/align] |
تفترق عند اللزوم وتجتمع عند الذبيحة عود شجْره ينثني لا هب عاصوف الرياحي صح لسانك يالمقاطي قصيدة جزله من راس جزل تقبل مرور رعد الشمال |
صح لسانك وعلا شأنك قصيده جميله تنبأ عن شاعرية فذه
|
صح الله السانك شاعرنا جزلة من راس جزل
|
هلا وغلا بخوي محمدالمقاطي المشرف السابق لقسم شعراء البراري ... نور القسم بتواجدك ومشاركاتك ...
صح لسااانك واعتلاء شانك يالقرررم الجزل مايقدم غير الجزل وانت دائماً جزل ومميز ياالغالي .. ختم التميز واعلاء تقييم تستاهل ومحبتي وتقديري لك ..فالك الجنة ،،، |
صح لسانك شاعرنا قصيده جزله
|
اقتباس:
لايأتي إلا من شاعـر فـذّ يستحق التأمل والتدبر في معانيه ،، جزاله تستحق الوقوف لها إحتراماً وتقديراً ... صح الله لسـانك شاعرنا محمد المقاطي أبدعت ،، وأبدعت ،، وأبدعت كل الشكر لك ،، رذاذ |
صح لسانك اخوي محمد المقاطي تحيتي وتقديري |
اقتباس:
وصح بدنك ماعليك زود أسعدني مرروك كل الشكر لك |
اقتباس:
منكم نستفيد ياطيّب شاكر ومقدر |
| الساعة الآن 05:11 PM |
Powered by vBulletin .
جميع الحقوق محفوظة © لشبكة ومنتديات البراري 2010