|
قالوا عشقت وقلت ماهوب ذلحين // انا بعد مليت من وقتنا الشين
قالوا عشقت وقلت ماهو بذالحين
ماعاد في ذهني من العشق صورة ذبلت زهور العشق والملح والزين واقفى ربيع العمر وأقبل دهوره ظنيت عمري دون خمسه وعشرين وريع الشباب أعيش قمة شعوره لاشك فاجأني مع الوقت ثنتين زادت على قلب المعنى حروره قصر النظر بين على ناظر العين والشيب في وجهي تتابع ظهوره كنت احسب اني وين واثري مسيكين راحت حياتي بين دوره ودوره والعشق عندي له دروس وقوانين عارف قوانينه وسابح بحوره فيما مضى يوم العوارف مجانين يوم الصبي يتبع هواه وسروره واليوم قفينا وحنا معيفين وعسى الذنوب الماضيات مغفوره عيسى بن عبدالله السبيعي 00000000000000000000000 00000000000000000000000 انـا بـعـد مليت من وقتنـا الشـيـن وعرفـت معـنـى ذابلات زهـوره ولانـيـب مخـدوع ولا قـول بتـزيـن ولانيب اقلـد من يصبـغ شـعـوره مابــه دوام ولـلنـهــايـات ماشـيـن ومنهــو سعــيد مايـداوم سـروره سمعت هذا من تجاريب ماضيـن ناس لهم في ماضي الوقت دوره ناس بحفظ الوقت والدين واعين ولا يطمعـون بعـشـق دنيـا غروره ياليتنا فـي مايقولون مصـغيـن وياليتنا نسـمـع لـمن قـال شـوره قـل للــذي يقــول بعديـن بعديـن تـرا زهـو الـعـمـر لحـظـة وفــوره كم واحد يمشي وهو مادرى وين عميان يحسب هاالحياة معمورة يـارب اذا كنـا عـن المـوت لاهـيـن وان الزمــن زيـن لنـا بعـض زوره فانا عليك اليـوم يـارب شـاكـيـن وعسى الذنوب الماضيات مغفورة ابراهيم بن سعود الخريف |
صح لسان الشاعر عيسي وصح لسانك شاعرنا ابو سعود ابيات قمة الروعة لاتحرمنا جديدك وتقبل مروري |
الله الله على الصوت والصدى
صح الله لسان الشاعر/ عيسى السبيعي وصح الله لسانك ملايين يابو سعود أسعدتني أسعدك الله تحيتي |
صح لسان الشاعر عيسى السبيعي
وصح لسانك شاعرنا الركام حتى ترضى .. مبدع دوماً كما عهدناك سعدت بتواجدك بيننا .. فلاتحرمنا من كل مالديك... رذاذ |
صح لساااااااااااااااااااانك
|
| الساعة الآن 08:18 PM |
Powered by vBulletin .
جميع الحقوق محفوظة © لشبكة ومنتديات البراري 2010