|
الروئاه و الفلكيين مثل الهلال والنصر الأثنين بينهم تحدي.لكن اليوم لسنا بحاجتهم . ادخل وحمل التطبيق
كل سنة الا ونسمع الشد والجذب بين الروئاة والفلكيين لدرجة اني حسيت في السالفة تصفية حسابات قبل سنتين قالوا الفلكيين مستحيل يشاهد الهلال لأنه يغيب قبل الشمس حسب مراصدهم ومناظيرهم لكن تفاجئنا ان فيه روئاه شاهدوه عيدنا ولله الحمد مع ان الاغلبية كانوا في شكوك ولكن نحن بذمة من شاهده .. والبعض ما كان عنده شك لعدم مصداقية للفلكين . ولجهل البعض في طريقة المراصد يصيبه الشك .. اليوم عشان ما تحتاج لا فلكيين ولا روئاه وعلشان نعرف من اللي شاهد الهلال صادق ومن شاهده تخمين جب لكم تطبيق انا جربته وجهازي جلكسي اسم التطبيق google sky map هذا البرنامج يرسم لك جميع الكواكب والنجوم وتستطيع من خلاله متابعة حركة الشمس والقمر وبدقة عالية جدا .. ان حملته من اول رمضان تابعة فيه غروب الشمس وشروقها وغروب القمر وشروقه صراحة برنامج اراهن عليه ولا اذكر يوم اختلف عن ما اشاهده على الطبيعه بالطبع البرنامج يرسم لك خط لونه برتقالي وهو خط الافق لمنطقتك .. وانا استفدت منه لتحديد وقت الافطار وهذه صورة للبرنامج بعد تثبيته ومتوفر في متجر الجلكسي ومجاني وهذه صورة الشمس ومكتوب عليها ولكن عيبه ان انجليزي وهذا نجم المرزم يوم امس قبل تجاوزه خط الافق ساعدني احد الاخوان بالمنتدى ع الحصول ع اسم النجم بالانجليزي ............ اذا جاء يوم 29 شغل البرنامج قبل غياب الشمس بثواني وو وجه كميرة الجوال جهة الشمس رايح تشوف الشمس والقمر بجنب بعض وتعرف ايهم اللي تجاوز خط الافق للغياب اذا غاب القمر قبل الشمس بمعنى ان انسى احد يشوف الهلال واذا غابت الشمس قبل قمر وبقي القمر بعدها فترة بهذه الحالة صدق اللي يقولك شفناه ملاحظه .. الكميره مالها دخل بس حبيت اوضح طريقة توجيه الجوال ............ من خلال البرنامج تقدر تتابع نجم سهيل والمرزم والجدي من خلال خانة البحث تكتب اسم النجم ويعطيك سهم تحرك الجوال حتي تحصل النجم ... ........... البرنامج قديم لكن انا ماحصلته الا في وقت قريب واعجبني في دقته ولابد اتصال انترنت عندك ويكون اتصالك سريع .. قيل لي انه يشتغل حتي على الجي بي سي حق الجوال وبدون نت بس ماجربت ... ........ اكيد الكثير من الاخوان عنده خبره في البرنامج فا ياليت لو احد عنده اضافة نستفيد منها لا يبخل علينا وتقبل الله صيامكم وقيامكم |
برنامج راااااااااااااااائع جداً
كان عندي قبل عدة أشهر وانحذف من جهازي ونسيت وش اسمه الآن حملته ورفعته فوق بإتجاه الشمس (للمعلومية للأخوان مايحتاج تطلع برى الغرفة) طلع لي فوق في منتصف السماء الشمس وعطارد والمشتري والمريخ والقمر وجهة الشرق زحل على وشك الشروق وبرنامج ممتاز جداً ومطابق لبرنامج ستيلاريوم على اللاب توب ويظهر لك الكواكب بشكلها الحقيقي حتى تميزها عن غيرها هذا البرنامج حتى وأنت جالس على سفرة إفطارك يوم الأربعاء شغله وأنت بداخل الغرفة جهة الغرب وتشوف الشمس والقمر بس مشكلته الانجليزي مثل ماقلت أخوي بيض الله وجهك والله يجزاك الجنة ووالديك |
المرزم / sirius .
سهيل / canopus . الجدي / polaris . الثريا / alcyone . |
العفووووووووووو اخي الكاسر
|
الموضوع بسيط ولايحتاج تشدد ولا غلو
وما اهلك الله بني اسرائيل الا كثرة اختلافهم على انبيائهم نبينا وقرة اعيننا النبي صلى الله عليه وآله وسلم قال صوموا لرؤيته وافطروا لرؤيته.. خطاب للامة كلها... والدين يسر وسهوله فاذا رآيناه صمنا.. واذا لم نره اكملنا والحمدلله على عظمة هذا الدين وشموليته... |
برنامج جميل
شاكر لك اخي الحبيب |
برنامج جميل
اسال الله ينفع بهالبرنامج يعطيك العافيه على الموضوع دمت بخير اخوك / صعب المراسي |
هل موجود باالأبل ستور
|
بسم الله الرحمن الرحيم وعليكم السلام ورحمة الله وبركاته جزاك الله خير يا الغالي |
اهلا وسهلا احبتي .. والحمدلله ان الله وفقني واستفدتم من التطبيق كنت متردد
اكتب عنه او لا لأني اخبرت احد الزملاء وقال من زمان عندي قلت في بالي اكيد الاغلبية محمل التطبيق بما ان ناجح لهذه الدرجه اعتقد مايخفي ع احد .... وجزاكم الله خير على دعواتكم ... |
| الساعة الآن 08:53 AM |
Powered by vBulletin .
جميع الحقوق محفوظة © لشبكة ومنتديات البراري 2010