|
اهداء - من سحاب شقراء للشاعر الغالي رامــز
هلا ومرحبا ومسهلا بخوي الشاعر رامز تراهذا لوني الا ارتحت للرجال اخاطبه كني اعرفه من 30 سنه لواني اول مره اتكلم معه فلا تواخذني يالغالي ثمن تقول وشذا المطفوق ههههههه لا والله منيب مطفوق بس مااواطن الرسميات والتكلفه الي مالها داعي قريت قصيدتك الجزله -- ساعاتنا والدقابق-- وعجبتني بصراحه وهيظتني وقلت هذي الابيات ارجوان تقبلها مني لك هديه :w10::w10::w10::w10::w10::w10: يامـرحـبابك عـدد مالاح بارقــها يالشاعرالي قصيده يطرب البالي ترحيبتن عـد ماهلـت سحايـبــها وعداد غصنن تعرا وبالهوا مالي يالله طلبتـك لـه المليــون تجلبـها ولا تحـده مـن الحاجات لـنـذالـي وللعافيه ثوب مفصل ثم لابسها ومن دونها ماتسرك كل الاموالي يالله عساها تـفـتـح لـه مكاسبـها مزنن تبارق وهلت وبلها وسالي ومن زود فظلك فلوسه مايحسبها يكـود يجمـع رزمها بكـف مكيالي تستاهل اخوك سحاب شقراء |
علمك غانم يا سحاب شقراء صح الله السانك
طال عمرك |
صح لسانك شاعرنا سحاب شقراء .. ويستاهل أخونا رامــز كل الخير ..
مررتُ من هُنــا رذاذ |
يستاهل رامز .. صح لسانك ياسحاب
تحيتي |
اقتباس:
ياهلا ويامرحبا بشاعرنا الغالي شرفتني شرف الله قدرك ومقدارك |
اقتباس:
ياهلا ومرحبا بشاعرتنا الغاليه رذاذ شرفتيني بمرورك الكريم |
اقتباس:
هلا ومرحبا ومسهلا بشاعرنا الحبيب غانم شرفتني بحظورك شرف الله مقدارك |
بيض الله وجهك اخي الغالي
وبارك الله فيك |
انت كريم ورامز يستاهل
بيض الله وجيهكم وصح لسانك يالاجودي |
بك البقا عد ما هلت سحايبها *** والسيل من جال واديها ليا الجالي
مشكور يامهدي الجزلة وكاتبها **** ياطيب المعدن وياطيب الفالي مار اعذر النفس عن تاخير واجبها *** من كثرة همومي ومن كثرة اشغالي الشاعر المبدع والأخ العزيز / سحاب شقرا أولا / عذرا لتأخري عن الرد حيث لم أقرأ المشاركة إلَّا الآن بسبب ظروف الامتحانات ثانيا / نحن في جو أخوي والبساط احمدي ثالثا / صح لسانك وبيض الله وجهك على هالابيات الجزلة وعلمك الغانم وعلى كرمك اللي أحرجني .... تشرفت بمعرفتك ياصاحبي وتستاهلون الطيب كلكم |
| الساعة الآن 06:37 AM |
Powered by vBulletin .
جميع الحقوق محفوظة © لشبكة ومنتديات البراري 2010