ساعاتنا والدقايق
 

ساعاتنا والدقايق في عقاربها
يغير الله من حال ليا حالي
ان عشت دنياك ماتقضي عجايبها
كم تخلف الظن وتبدل بالاحوالي
لاتشتكي جورها والا تقلبها
ما دامها في يدين الحاكم الوالي
نمشي بها وين ما سارت ركايبها
اما مع المنحدر والا مع العالي
تقفي وتتبع وهايبها نهايبها
ونقول يالله تسلم روس الاموالي
وتقبل وتتبع نهايبها وهايبها
والحمد لله باولها وبالتالي
الي مدحها يعود اليوم يندبها
والي ندبها مدحها بعد الاقبالي
الله يرحم (بديوي) يوم قال ابها
(الي عرف حدها من همها سالي)
واليوم يوم انها شانت مذاهبها
شمت وتعلمت منها راحة البالي
لكن على طاري الدرة وجالبها
الي تماثيلها من ضمن الامثالي
مثايله كنه. .. من الذر حالبها
واظن ما جابها من خاطرن سالي
ابيات شاعر وانا جاريت كاتبها
رسام حاولت احاكي بعض الاشكالي
الشعر ما هو بكلمات ن نرتبها
الشعر نبع الشعور المر والحالي
لكن الاذواق لا كدرت مشاربها
يميل فيها المهرج وين مامالي
من يعرض الهزلة من القول يعجبها
لو قال يالا لا لاله يالا لا لا لي
والغربة الي كثيرات (ن) متاعبها
خلتني ابكي على هذيك الاطلالي
في ديرة ن ياعرب مالان جانبها
ابرك من دروبها فجوج الخلا الخالي
عن الظليمة لها الدار ومناكبها
شفنا بها رجالن وشفنا بها ازوالي
لكنها اكبر مصيبة من مصايبها
يعلى بها السافل ويسفل بها العالي
وتحدك الحاجة وكثرة مواجبها
لاراذل الخلق والي مالها والي

بقلم : رامز

صح لسانك شاعرنا أبيات راقت لي جدا

صح الله السانك جزلة ننتظر المزيد

رامز ، جادك الغيث
تغيرت المعرفات ، والإبداع والجزالة لم تتغير .
القصيدة وافية وتجاري قصيدة وافية ، تستحق التقييم والتميز
بيض الله وجهك وزادك الله من فضله
لاهنت

سبق وان راهنت على شاعريتك
وها انا اجد نفسي اكسب الرهان

هنا تذوقت شعرا وكأني خارج الزمان والمكات

ﻻ كسر لك قلما ..

تحيتي

صح بدنك








شـكــ وبارك الله فيك ـــرا لك ... لك مني أجمل تحية .