|
وصلني اتصـــال هاتفي !!!
بسم الله الرحمن الرحيم وصلني هذا الاتصال من احدى الصديقات متزوجة وعندها بنت وحدة عمرها 3سنوات ونصف وكان اتصالها متأخر وانا مستعدة للنوم التعليقات بين القوسين الكلام اللي كنت اقوله بقلبي وهي تتكلم -الو ... كيف حالك سراب - الحمدلله بخير من الله بعد التحية والسلام وكثرة كلام قالت لي يووووه سراب ماتدرين بنتي وش سوت قبل شوي( يااااليل ما اطولك دخنا من هالبنت) - عسى ماشر (اخلصي ) - لاابشرك ماشر بس سوت حركة تجنن ( الله يستر لاتصير سالفتها فيلم هندي) انا عشيتها من بدري وعلى اساس تنام (- :new12: -) وكانت متغطية بفراشها ولما سمعت صوت ابوها دخل البيت قامت وشبكت فيه ( -:crying:-) المهم حطيت العشاء لي ولابوها وجلست معانا انا ماحسبت حسابها بكوب عصير ولا جبت لها عود مزاز وحنا نتعشى قالت ماما ابي عصير ابي اروح اجيب لي كوب وراحت تركض للمطبخ وجابت كوبها وجت ( هبة ريح ماشاء الله) وانتبهت انه مافيه مزاز واعطيتها مزاز ابوها لاني استعملت العود حقي ( ادري بك مفجوعة ) ولما جاء ابوها يشرب العصير قالت لا يا بابا استنى ( الله يستر :p (18):) اروح اجيب لك مزاز ... وقبل تروح حطت كوبها بمكان ( تثبـّت الموقع يعني ماجلان ) وراااحت يااالبيه على الركضة بس .. ( ايه طالعة لامها ;)) ورجعت مامعها شي قالت بابا مالقيت المزاز والا تروح تاخذ مزازها وتغسله ورجعت ( اموت بالسنع ) واعطت ابوها بوسة وقالت : بابا لاتذعل انا حذيت المذاذ علثان ابوثه موعلثان اثرب (يبغالها ترجمة) وعلشان ترضي ابوها صارت تحط راسها على رجله وتبوسها وتبتسم له ( آآآه بس يااالبيه عالبنات والله يجننون) قمت وجبت لها عود مزاز لها وثاني لابوها ( زين تحركتي كان من اول ) - انا هنا نعست وجتني النومة قلت خلصتني ..؟؟ قالت ايه قلت يالله ضفي عفشك ونومي بنتك ورانا مدارس دوختينا كأن محد عنده بنت غيرك حاسة بهاللحظة طارت عيونها كذا :eek: وعصبت :pullhair: بس ماعليه امون عليها يالله خلونا نرقد انتوا بعد سلام |
ههههههههههههههههههههههه
بارك الله فيك اختي الغاليه سراب |
ههههههه هذي من شطحات البزارين الله يصلحهم
قصة طريفة ، وموهبة جديدة اكتشفناها في كتابة القصة وسردها يعطيك العافية اختنا سراب على إدخال السرور علينا . ربي يحفظك |
حياك الله اخوي مشاري شكرا لمتابعتك
تسلم اخوي محمد عالمرور سبق وان طرحت قصة عالرابط https://www.albrari.com/vb/showthread.php?t=73040 شكرا لحضوركم |
الله يعطيك العافية ،،،،،
|
الله يعافيك اخوي عابر
شكرا لحضورك |
هههههههه
ياهي خوش قصه .. بغت دموعي تحدر يوم قامت تغسل عود البزاز ورجعته للباباه https://up.albrari.com/uploads/13597925941.gif قصة في غاية الروعه .. ابدعتي مراقبتنا العوده .. الله يسعدك ويحفظك . وحرصنا منا على تحفيز الكتاب كما في السابق يقيم ويميز وينقل لقسم الاقلام المبدعة |
ربي يسعدك دوم استاذي ابوطلال
المهم نغير جو الكآبة شوي ونشارككم بمواقف حلوة تصادفنا ببيوتنا الف شكر لك على تقييم الموضوع لاهنت |
يعطيك العافية مراقبتنا العزيزة على مشاركتك ودعمك
قصة طريفة ومضحكة وباسلوب جميل تقبلي مرووووووووري |
مرورك اسعدني اخوي سعد
طيب الله فالك واسعدك بالدارين |
| الساعة الآن 07:19 AM |
Powered by vBulletin .
جميع الحقوق محفوظة © لشبكة ومنتديات البراري 2010