|
بعض العرب ماينعطى وجهه بالحيل
بعض العرب ما ينعطي وجـه بالحيـل وليا عطيته وجـه صـار لـك علـة وبعض العرب ماله سنع لكن حليـل بالضبـط كانـك لا تمعنـت ظـلـه وبعض العرب شقرا و شقرا مع الخيـل مـا ينفعـك لـولا الرمـوش المظلـه و بعض العرب لا يعجبك ثرثرة ليـل و باكـر تـرى مـا قالـك شـي لله وبعض العرب مرسال مادري مريسيل يسايـر العالـم و هـو حاصـل لـه وبعض العرب يصلخ و ينفخ و هو ريل و في زعمه انـه يفهـم الكـون كلـه وبعض العرب ما غير بندق و دربيـل و منين مـا هـب الهـوا جايـز لـه وبعض العرب يطلع كما طلعة سهيـل و يغيـب نجمـه قبـل دربـه تـدلـه وبعض العرب يوذيك بالقـال والقيـل تجلس معـه ساعـة والاخـرى تملـه نذل و خسيس يفصل الهـرج تفصيـل و ليـا لقـا لــه طـيـب يستغـلـه وبعض العرب منظر و كشخة وتحليـل شبح بحـال و حالـه اخـرى كرلـه لا شفت زوله مـن خيـار الرجاجيـل و ليـا عرفتـه مـا تجيـه بمحـلـه و بعض العرب ماضيه ليل على ليـل كـد بصمـوه وصــوروه الادلــه وبعـض العـرب لا والله الا تهاويـل مهمـا عقـدت الحبـل لازم يحـلـه كـد دربـوه و لكعـوه الرجاجـيـل من قبل لا يصير الحـدث جاهـز لـه وكانك شجاع صحيح حارب اسرائيـل قبـل اليهـود الـقـدس لا تستحـلـه وكلـش يهـون الا الثـلاث الغرابيـل المهـزلـة والمسـكـنـه والـمـذلـه مما راق لي* للشاعر / عبدالله بن باتل* |
تسلم اخي الغالي يا شاعر البراري القادم
|
اقتباس:
اوما شاعر البراري لا والله افلحتو مره وحده تحمست وكتبت قصيده يوم خلصت منها طلعت انشوده مو بقصيده ههههه اسعدني مرورك اخوووووي |
شكر أخي على الذوق الرفيع
صح لسان الشاعر |
اقتباس:
اهلن اخي ابومحمد انتا منبع الذوق طال عمرك اشكر مرورك ولاتحرمني دعمك |
بعض العرب يخفي قصيده عن الناس .. وينقل لابن باتل وغيره قصايد
أنت متذوق للشعر إلى حد أنك شاعر .. شكرا على الاختيار المميز .. وما يميزه أكثر أنك ذكرت اسم الشاعر .. هما الشعراء الذين اذا نقلوا ذكروا اسم الشاعر .. شكرا جزيلا ... تحيتي ومحبتي وتقديري |
اقتباس:
|
ابونااااصر احسنت الاختيار الله يوفقك لاخر شي
|
اقتباس:
طيب الله يزوجك لاخر شي << واستانس يالحبيب ههههه* |
ههههههههههه
مدري اضحك على ردودك والا اشيد بالقصيدة الله يسامحك الموووهم ان القصيدة طيبة وفيها علوم طيبة وتسلم يمينك عالنقل بس اخر مرة المرة الجاية تضبط لنا من قصايدك لو انشودة على قولتك حياك الله |
| الساعة الآن 08:44 AM |
Powered by vBulletin .
جميع الحقوق محفوظة © لشبكة ومنتديات البراري 2010