|
تذكر يا أبو ناصر تذكر يا ضيف الله تذكر يا أخوي فهد تذكر يا عبدالله
بسم الله الرحمن الرحيم السلام عليكم ورحمة الله وبركاته شريط الذكريات ذكريات حلووووة * كل ما مرت طياره نقعد نصرخ ونسوي لهم باي باي * كنا ننتظر رابع ابتدائي على أحر من الجمر علشان نكتب بالحبر * تسألك أمك الساعة كم تقولها الكبير على أربعة والصغير على سته * نحس بإنجاز وفرح وشي عظيم إذا طلعت الشمس وحنا ما نمنا والضحكه شااااقه الووجه على هذا الإنجاز * ننتظر الإمتحانات علشان نكشخ وناخذ شنطه صغيره * كنا نحرق أطراف ورقة الدفتر للتزيين من جد كانت أيام حلوه أكيييييد سـويت شي من هالأشياء 1- يوم كنت صغير رسمت الشمس في زاوية الورقة يعني حركه 2- يوم كنت طفل كنت تفكر بأن شكل القلب الحقيقي كذا 3- سكرت باب الثلاجة ببطئ شديد بس عشان تعرف متى تطفي اللمبه ذكاء 4- حاولت توازن مفاتيح الكهرباء بين ON و OFF «مسوي نفسك تعرف أنجليزي لين تخربها 5- لما احد من اهلك يطلبك كاسة مويا لازم تشرب شوي وقبل لا تدخل تمسح فمك علشان محد يدري انك شربت 6ـ أهلك إذا جاء الشتى يعطونك منديل من القماش علشان (....... ) وإنت أبخص 7ـ إذا كنت بالشارع العصر وشفت جهام أستاذك .... إنحش ... ما غير تقول كأنك شايف شيطان 8ـ القلم الرصاص نحرقه علشان يتغير لونه .... على بالي وبالك إنها حركات 9ـ إذا أحد من الطلاب تعب جابوا الطاسه علشأن ( ....... ) وإنت أبخص خايفين يكون أحد صكه بعين أتحدى اذا مآ گنت تَبتسم الحين عآدي عآدي انا مثلگ أخيراااا أتمنى من كل واحد التفاعل ويقدم لنا ولو شيئ يسير من ذكرياته الحلوة التي لا تنسى ذكرياااااات مما راق لي أخوكم المحب الوااا(بالله)اااثق |
و عليكم السلام و رحمة الله و بركاته
ههههههههههههه و الله بطني عورني من الضحك سبحان الله يا ابو عبدالعزيز كأنك قاعد معي و انا صغير نفس حركاتنا و حنا بزارين موضوع جميل جدا جعل عيني تدمع فرحا و حزنا فرحا لما فعلته صغيرا و حزينا لاني افتقد صغري جزاك الله خير تقبل مروري |
رحم الله والديك يابوعبدالعزيز
وش جبت لنا من موضوع والله ذكريات الطفولة دماااار وعذاب للنفس لاننا لما نتذكرها ما نذكرها كحركات فقط لكن نتذكر كيف كانت انفسنا بريئة وساذجة وعفوية وهذا اروع مافيها اذكر يوم كنا صغار لاجاء يوم الخميس (كنا ندوام للمدارس يوم الخميس بس نطلع بدري الساعة 11 الصباح ) والا الوالدة الله يسلمها مسوية لنا طاسة حنة اول مانرجع من المدرسة تستلمنا وحدة وحدة واللي مايداومون يستقبلونا عند الباب وشعورهم تقطر والا الرقبة حدث ولاحرج صابغة برتقالي هههههه لي اضافات اخرى قادمة باذن الله اشكر معلمي واستاذي |
هههههههههههههههههههه
ايام حلووه تغيروا بزارين هالوقت كل واحد معه جهاز ولا يعرفوون الشارع خاصة اهل المدن بس يابوعبدالعزيز هذي ذكريات جيل الثمانينات والتسعينات موب جيل الي ذكرتهم بالمووضوع شيابنا الله يطول عمرهم على طاعته هههههههههههههههههههههههههههههههههههههه |
بيض الله وجهك ابو عزوز
رجعتا للوراء شوي يازين الوناسه بكل شي له طعم اذكر في الصف الثالث والرابع يعطينا الاستاذ حفظ النشيد اذكر اانا اذا ما حفظتهن تقومني امي الصبح وتقولي المدرسه اقول يمه انا ما اقدر اروح بطني ذابحني وانا كنت اكذب والان اتذكر كلام امي يوم تقومني والان امي ما تدري عني اين ادرس اين اروح اين اجي يعلم الله ودي ادخل البيت وابيها تناديني او تسولف معي سبحان الله العظم تعبانه والدتي عسى الله يشفيها يارب ولله مشتاق لسواليفها والان على الدور لازم اهتم بها بكل شي مثل ما كانت تهتم بي يومني صغير ياربي اشفها يا كريم يعطيك العافيه ابو عزوز رجعتني للوراء شوي في موضوعك وحزنتني |
* كنا ننتظر رابع ابتدائي على أحر من الجمر علشان نكتب بالحبر
ههههههههههههههههه * نحس بإنجاز وفرح وشي عظيم إذا طلعت الشمس وحنا ما نمنا والضحكه شااااقه الووجه على هذا الإنجاز هههههههههههههههههههههه - سكرت باب الثلاجة ببطئ شديد بس عشان تعرف متى تطفي اللمبه ذكاء هههههههههههههه اظحك الله سنك بابو عبد العزيز يازين طفولت اول |
ذكريات تبقى خالده في القلب
الله يسعدك يا ابو عبدالعزيز ما اجملها من ذكرى يوم كان كل همي اختم سوبر ماريو ههههههههههههههه |
بارك الله فيك أخوي الواثق بالله على هذا الموضوع الجميل ومن أجمل الذكريات التي عشتها في صغري كانت مع الوالد الغالي رحمة الله عليه كان كل أسبوع ياخذنا للبحر للسباحه ويعلمنا السباحه والغوص وأيام الدراسه أذا كان الجو ممطر ياخذنا بدري من المدرسه وتكون أمي مجهزه كل شي للطلعه ونروح نطارد السحاب هذه جزء بسيط من أجمل الذكريات التي عشتها ولازلت أذكرها |
وعليكم السلام ورحمة الله وبركاته ههههههه الله .. الله على أيام الطفولة الله يسعدك ويحفظك ياغالي . |
اذكر يوم كنا صغار كان في هنود طول اليوم يفترون على البيوت شايلين شنطة معهم
وكانت مليانة اشكال والوان شي عطور وشي بخور واكسسوارات الله يازينها تلقانا لما يجي الهندي عند باب البيت نتجمع عليه كانه ابونا جاي من سفر كان همي امي تشتري لي شباصات جديدة وياليت ان حصل حلق قمة المتعة ذكريات رائعة وكل ماطرى ببالي شي كتبته |
| الساعة الآن 11:11 PM |
Powered by vBulletin .
جميع الحقوق محفوظة © لشبكة ومنتديات البراري 2010