|
واشيب عيني مابقى بالجسم حيل.......
احياناً يمر الانسان بفتره من الملل حيث تضيق النفس في كل ماحولها من الاشياء. وفي هذه القصيده حاولت ان اجسد لكم هذه الحاله. (شرح الله صدوركم ويسراموركم) ووجدت ان انجع علاج لمثل هذه الحاله هو الاكثار من ذكرالله (ألا بذكر الله تطمئن القلوب): ولا بقى عزمٍ يساعد على الشـيـل = عـزمي تردى والخـفـايف تـفـلـه ولا بقى وقـتٍ نعـدل به الـمـيـــــل = والـنـفـس صارت كـل شيٍ تـمـله صارت تمل من السهـر والتعـاليل = وتمل من شوف الرموش المظله ولاعاد تبغى لابسات الخـلاخـيــل = ولاعاد له خلقٍ على شوف خـلـه ولاعاد له خلقٍ على القال والقيـل = مـلـت سواليف الـمـخـالـيـق كـلـه ولاعاد له كيفٍ على البن والهيـل = ولاتشتهي قرصٍ على جال مـلــه ولاعاد يعـجبها السفر والتراحيـل = امن الوهن صارت تحـب الأظـلـه ومن اولٍ تسري على النجم بالليل = ومـافـيـه دربٍ بالـخـلا مـاتـدلـــه واليوم ماتشفق على شوفة السيل = حـتى ولا شوف الربيع بمـحـلـه لولا الأمـل في مابـقى من مقـابيـل = مـلـت مـن الـدنيا بـدقــه وجـلــه ولولا صلاة الفجـر بين الرجاجـيل = تصير دنيا النفـس سـودا مـمـله مالـوم نفـسٍ عـذبـتـهـا الغـرابــيـل = دنيا تـقـلـبـها عـلى كـل مــلـــــه تـلـوعـهـا الـدنـيا بكـثـر الـبهـاذيــل = والنفس ماتقوى على الظيم لِـلَه يارب صبرها على الـظـلم والـويـل = يالله طـلـبـتـك كـل عـقــدٍ تـحـلـه يارب وفـقـنـا لـدرب الـتـسـاهــيــل = يارب خـل نـفـوسـنا مـسـفـهـلـه يالله بحسن الخـاتمه لاوفى الـكـيـل = يامحصي احساب الفلك والاهـله ألا بـذكـر الله وكـثـر الـتهـالـيــــــل = تسلى النفـوس وتنجـلي كل عله احمد بن عبدالرحمن العريفي (نديم المجره) |
صح لسانك وسلم بنانك شاعرنا المميز اخي أحمد تجسيد معبر فعلاً عن حاله من الحالات التي تحدث للشخص في بعض الأوقات قد تصل لحد الإنكفاء والبعد عن كل ماهو جميل ومحبب للنفس ولكن عندما يكون الإنسان له صله وثيقة بربه لسانه رّطْب بذكرالله قلاخوف عليه .
لاعدمنا بوحك (ألا بذكر الله تطمئن القلوب): |
[align=CENTER][table1="width:95%;"][cell="filter:;"][align=center]
الأخ والشاعر أحمد العريفي صح لسانك بليوون .. ولا يسدووون وبيض الله وجهك ولاهنت .. ع الإبداع الراقي قصيده جزله وشامخه.. من شاعر شامخ وجزل بإنتظار بوحك الراقي والمميز تمنياتي لك بقضاء أسعد الأوقات في طاعة الرحمن مودتي لك عنـآد [/align][/cell][/table1][/align] |
صح لسانك أخي نديم المجرة ,إلى الأمام .
|
اقتباس:
رائعة جدا ننتظر جديدك |
نديم المجره https://www.albrari.com/vb/servtop.co...ser_online.gif
شاعر متمكن حياك الله ياابو عبدالرحمن https://www.albrari.com/vb/showthread.php?t=69579 |
صح لسانك و علا شانك
عز الله الي صدقت في قولك و عسى الله يجلي عنا و عنكم كل هم و غم |
ألا بـذكـر الله وكـثـر الـتهـالـيــــــل = تسلى النفـوس وتنجـلي كل عله صح لسانك وعتلا شانك قصيده جميله ومعبره |
الله عليك يا نديم المجره ، ابدعت ماشاء الله عليك
إستمـــرر |
https://www.albrari.com/vb/showthread.php?t=69579 قصيده ترحيب في مجلس شعراء الملتقى لنديم المجره على الرابط أعلاه يستاهل شاعرنا الفذ نديم المجره الحب والترحيب تحيتي |
| الساعة الآن 04:29 PM |
Powered by vBulletin .
جميع الحقوق محفوظة © لشبكة ومنتديات البراري 2010