ســــــــــــــــوّاحة
 

السلام عليكم
من القديم
في نقاش ودّي مع احد الشعراء !!
والقصيدة تحكي ماحدث تلك اللحظة !!


[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يامحـمد شفـتها متمـشيه في الـباحه = كنّها عودٍ تـثنّى في طـرف بسـتاني
ناعـمه تمـشي على راس القـدم بالراحه = وكل وركٍ يـشتكي من ميلته للثاني
خصرها الجيعان يعزف نغـمةٍ صدّاحه = وصدرها راوي ولا قد قاربه ضمياني
كنّها شمسٍ بوسط القايله وضاحه = شعّ نورٍ من نحْرها صابني واعـماني
ريحة الكادي طبيعي منّها فواحه = والـنفل ويّا الخزامى والعـطر ألواني
فاتنه لا والله الاّ فاتـنه ذبـّاحه = تسـتثير الشايب الّي ناحلٍ هلكاني
وسوس الشـيطان فيني ومدني بـسلاحه = ثبّت النيشان فيها واطلق الشيهاني
اقـتربت وقلت يالله .. وادبرت منزاحه = ثم ردّت مسـتحيّه قالت انت أتـباني
ارتبكت وقلت لالا قـالت قل بصراحه = قلت أي والله أريدك يابعْد حيّاني
امسـكتني باليدين وشدّت المسباحه = قالت اسمك قلت مدري ما أحد سمّاني
وبين ضحك وبين هرج وبين جد امـزاحه = انكشف عقدٍ يطرّز ثغرها الفتاني
قالت اسمع قلت قولي الصدْر لك ساحه = واذرفت دمعه وقالت خايفه تنساني
قلـت ياحيّ الدموع الّي على التفاحه = هات دمعك بشربه اليوم انا عطــشاني
قالت الليله بسافر والسبب وايـضاحه = آنـا من ديره بعيده والبخْت وداني
واثرها من نـجد جايت عندنا سوّاحـه = نعـنبوها يامحمد زينها رباني
[/poem]

صح لسانك اخووي خالد

استمتعت بالمروور بمتصفحك وقراءة ماخطته اناملك

شكراً لفكركـ المبدع

لاهنت لاهنت

يسلمو على طرحك الرائع

خصرها الجيعان يعزف نغـمةٍ صدّاحه = وصدرها راوي ولا قد قاربه ضمياني

الله اكبر ..
صح لسانك ملايين
حبكه وابيات من واقع الربكه
لاهنت يابعدي

صح لسانك
تسلم يالخطير.............