|
؟؟؟وش أفضل كفرات التويو أو الدانلوب ؟؟؟
السلام عليكم ياجماعة الخير
ياجماعة ان صملت اغير كفرات موتري الأكسنت واحترت بين نوعين هما الافضل بالنسبه لي من الكفرااااات وهما : 1/ تويو 185/70 الجنط طبعا 13 سعرها بحدود 150 ريال 2/ دنلوب 185/70 13 سعرها 140 ريال وكلها يابانيه والأقرب التويو لأني ماوجدت أحد ينتقدها وخاصة للسيارات الصغيره مناسبه لها وش رايكم اتوكل على الله واركب التويو من الوكيل مباشرة بس المشكلة اني ماعرف وين موقع الوكيل للتويو وهو (( العمودي )) الي يعرف الوصف يعلمني لاهنتو شاكر ومقدر لكم |
عليكم السلام
اخوي متفائل الدنلوب قاسي شوي ورا ما تجرب الماكسس |
اقتباس:
اذا الكفر صناعة يابانية فما عليك .. طب وانت مغمض .. المهم يكون جديد ، وفيه انواع ممتاز مثل يوكوهاما وبرجستون والتويو .. كلها ما فيها كلام ... واغلب الوكالات تحصلها بالغرابي ... واكيد من ضمنها العمودي .. بالتوفيق |
اخوي التميمي جزاك الله خير والماكسس جيد على الجيوب ويمدحونه لكن في السيارات الصغيره مادري هل هو مجرب
وانا ان شاء الله واثق بكلامك بس يمكن انك مجربها للجيوب عشان المناطق الوعره والرمال وانا بس ابيها أكيد للزفلت فقط مشكور وماقصرت يالغالي ======================================== اخوي ناس مشكور على رأيك ويعطيك العافيه ======================================= أنا مريت اليوم الغرابي وللاسف ما حصلت تويو يركب على جنط 13 يقولون منقطع ولا راح تحصله في الوكاله لنفس المقاس قلت وش السواة اجل ؟؟؟ ورد علي راعي المحل يقول فيه كفر اسمه نيتو يقول اخو التويو تماما والشركه المصنعه وحده بس الوكيل يختلف النيتو وكيله هو العيسائي ؟؟ وش رايكم في ((النيتو)) فيه احد جربه وهو ياباني واخو التويو كما شاهده مقارب لنقشة التويو وسعره 135 ريال بعد المكاسر :83: طبعا هذا النيتو هو اسم الكفر ولا له دخل بحلف النيتو هههههههههه لا توهقونا بالسياسه ههههههه |
خلك ذكي وانا اخوك
وسئل عند اكثر من محل عن السعر والجودة يمكن راعيك الاول متوق بها ويبي يصرفها لا خاب من استشار |
انا انصحك بالتويو
بس اهم شي لازم تدري انه جوابنه لينه ولازم يكون هواه دايم مضبوط تلقاها عند شارع الريل في الغرابي اللي مقابل المسجد اللي على شارع البطحاء مشكووووووووووووووور سلام |
اقتباس:
هلا اخوي هادي انت تقصد شارع الريل هو الي حول محلات الخيام وتفصيل الرواقات وعدد البر ؟؟؟ صح فيه محلات حولها ابي اسأل واشوف جزاك الله خير |
نعم هذا ما يقصده هادي
انت تجي من شارع البطحاء كأنك تبي شارع الغرابي تجي محلات بيع الكفرات على يسارك هو اخر محل على اليسار واعتقد ان بعده فندق البطحاء اذا ما خاب ضني |
الكافرات الجديدة .. ماكسس يمدحون .. في السيارات الصغيرة ..
وأكثر من شخص قالي .. وأنت لك الأختيار .. |
اقتباس:
لكن وش صناعتها الماكسس ؟؟ عساها يابانيه عارف اني غثيتكم لكن الفائده للجميع ان شاء الله |
| الساعة الآن 06:05 AM |
Powered by vBulletin .
جميع الحقوق محفوظة © لشبكة ومنتديات البراري 2010