|
الاسى.......
كف الآسى ماقوى الآسى لو تآسـيـت = بـان التـآسـي والآســى فــي حيـــاتـي ظلمـتـنـي واحرجـتـنـي واسـتـبـــديـت = وانــا اتصـبـر لـيـن يبـسـت لـهــــاتـي ضـدي مــع ســود الليـالـي تـخــاويـت = وقـفـت معـهـا لـيـن حـــطـمـت ذاتـــي يــوم اظلـمـت دنـيـاي عـنـي تـخـلـيـت = وزودٍ علـى مـابـي تـكـسـر عـصـاتـي تخطي وكنك ياشقى الروح ما اخـطيت = وانـت خـطـاك اكـبـر مــن الـنايـفــاتـي يامـا ويـامـا عــن خطـاكـم تغـاضـيــت = لعـيـون مــن عيـنـه دواي وشـفـــاتـي وسـط الضمايـر لاهـب النـار شبــيــت = انــا احـتـرق وانــتَ تـدفـى بـرفـــاتـي تقـفـي إذا اقبـلـت وتقـبـل إذا اقـفـيــت = شمّـت بـي العـدوان واهـل الشـمــاتـي احــاول ابـنـي وكــل مــا تــم هــديــت = إلـــى مـتــى ابـنــي وتـهــدم بـنــــاتـي حاولت اعدل ما يل الوضـع وازريــت = صعـبٍ علـي بالظفـر حفـر الصـفـاتـي كانك علـى الوضـع القديـم استمـريـت = ارحـل ولا ابغـى لـك أثـر فـي حـيـاتـي مـلـلـتـنـي والـيـوم انـــا مـنـك ملـيـت = كــرهــتــنـي بـايـامـي الـمـقــبـــلاتـي لا تـنـخـدع فــي مـظـهـرٍ فـيه ظـنـيـت = تــرى الخفـايـا تخـالـف الظـاهــراتـي لاجتك بلـوى وانـت لـه مـا استعديـت = مـا ينفـع التصفيـق وعـض الشفاتـي قبـل تحـط الرجـل شـف ويـن حطيـت = جـس الـوطـا تسـلـم مــن الغـادراتـي كف الآسى وانـا الآسـى عنـك كفيـت = اسلـك طريـق الحـق تلـقـى النجـاتي احمد بن عبدالرحمن العريفي (نديم المجره) |
الله الله
أحمد امتعتنا بهذه الرائعه الشعريه ياسلام عليك ابيات خرجت من دافع قوي وصادق تقبل مروري |
ما شاء الله
انتقاء رائع |
اقتباس:
تسلم يارعد الشمال احب الشمال واحب طاريه دامت لك المسرات تحياتي |
اقتباس:
شكرا لم يكن انتقاء بل كان انشاء دامت لك المسرات تحياتي |
صح لسانك قصيدة رائعة تحمل اهات ومعانات شكرا لك |
احــاول ابـنـي وكــل مــا تــم هــديــت = إلـــى مـتــى ابـنــي وتـهــدم بـنــــاتـي حاولت اعدل ما يل الوضـع وازريــت = صعـبٍ علـي بالظفـر حفـر الصـفـاتـي ==================== ابيات جميله ... صح لسانك ياغالي ... لاهنت |
يامـا ويـامـا عــن خطـاكـم تغـاضـيــت = لعـيـون مــن عيـنـه دواي وشـفـــاتـي وسـط الضمايـر لاهـب النـار شبــيــت = انــا احـتـرق وانــتَ تـدفـى بـرفـــاتـي تقـفـي إذا اقبـلـت وتقـبـل إذا اقـفـيــت = شمّـت بـي العـدوان واهـل الشـمــاتـي احــاول ابـنـي وكــل مــا تــم هــديــت = إلـــى مـتــى ابـنــي وتـهــدم بـنــــاتـي حاولت اعدل ما يل الوضـع وازريــت = صعـبٍ علـي بالظفـر حفـر الصـفـاتـي ماشاااء الله ابدااااع وأبيااات جدآآ رآآآآقت لي وصح لسانك وعلا شاااانكـ وكلماااات مؤثره كف الآسى وانـا الآسـى عنـك كفيـت = اسلـك طريـق الحـق تلـقـى النجـاتي تقبل مــرووري |
اخواني واخواتي الاعزاء شرفني مروركم واسعدني ثنائكم الله يسعدكم تحياتي |
يــوم اظلـمـت دنـيـاي عـنـي تـخـلـيـت = وزودٍ علـى مـابـي تـكـسـر عـصـاتـي الله الله عليك ياأكبر مبدع بالبراري لله درك يانديم المجره صح الله السانك وعلااااشاااانك دمت بالقمــــة |
| الساعة الآن 09:56 AM |
Powered by vBulletin .
جميع الحقوق محفوظة © لشبكة ومنتديات البراري 2010