|
إفطارنا يوم عاشوراء في ( الخبيبة ) الحبيبة . الخميس10/1/1432
يوم أمس الخميس وافق عاشوراء ( ما جبت جديد ) المهم نحن اعتدنا الكشتات البعيدة والمتوسطة المدى ( ... طيب وحنا وش دخلنا !!؟؟ ) ولهذا قررنا أن تكون الكشتة قريبة جدا ( ... يا أخوي كل الناس تكشت ... ) فاخترنا الخبيبة ( ... لا يا شييييييييخ ) لهدوئها وتوفر الغضا ( ... ياويلكم من الزراعة ) الغضا اليابس المتساقط من الغضا ( ... علينا ... ) فلما جلسنا على سفح رامة ( ... هماك تقول الخبيبة ...) شبينا عويدات الـ ( ... أقول : لا يكثررررر ) أجل إلى الصور بلا قرق (... ايه خلصنا ... ) وإلى هنا نصل إلى نهاية تقريرنا ... فما رأيكم أدام الله فضلكم ( ... رأينا : مالت عليك ... ) والسلام عليكم ورحمة الله وبركاته ( ... وعليكم السلام ... هو صدق ) |
( ... رأينا : مالت عليك ... ) يابو علين انت ادرى بنفسك وانت اللي قلت اللي فوق مهب من عندييابو علي يا وسع صدرك تحمس القهوة وانت صايم اجل وش تبي تسوي بنا اذا كنت في ايام الفطر الله يهديك فجعتنا بس بهالصور https://up.albrari.com/uploads/12925848628.jpg |
عزيزى دائما ماتنثري لنا ابداعات غاية في الروعه
اسمح لي ان اصنف ابداعاتك وطلعاتك وترحالك مهما كانت من خمس نجوم احساس وصور وسعه صدر وحمس وقلم مبدع يتخايل طربا في شبكة البراري لله درك اخي ارتحل كما تشاء الله يحفظك |
وعليكم السلام ورحمة الله وبركاته
يا لبى ابداعاتك ومالت على عدوك اشكرك ثم اشكرك واصل ابداعاتك |
الحمد لله أن رامة مابها عضى كان أصدق انك فوق رامة الخبيبة من الأماكن الي تعجبن خاصة لهدوئها ونظافتها وتوفر الغضى اليابس ما شاء الله تقرير رائع مشكور والله يعطيك العافية |
ماشاء الله تبارك الله يابوعلي تستاهل النجوم ياقمرهم لاهنت على التقرير والتصوير والتعليق ومادري وش بقى الله يسعدقلبك مثل ما اسعدتنا بيض الله وجهك اخي وتكشت |
اقتباس:
طيب أنا أقول ... يا أخي وسع صدري قل : لا ... محشوووووووم وحبة خشووووووووم إن ما سديت عليك ( باتسر ) عند المدرسة بالأشرفية ما أكون أبوعلي عاد تصدق يا أبو عباس ... ما أدري أبوفراس إنَّ الموضوع كان يبي يطب حولك ... بس ما أراد الله المهم ( بدى القرق ) تصدق قبل كم سنة كشتنا بـ ( عريق الدسم ) يوم عرفة ( ... الله لا يسلطكم ... ) ومزينين القهوة الساعة 2 الظهر ... ونناظر الساعة كل شوي ( ... مانتب صاحين ... ) وزينا قرص وعشاء وماأدري وش بعد عقب العصر ( ... نعنبو داركم هذا مشروع تسمين ما هب كشتة ... ) وسلامتكم وتقبل الله من الجميع الصيام ( بغيت أقول والقيام ) وتكفون دعواتكم في هذه الساعة الفضيلة للطفل : حمد بن خالد العبيدالله والذي يرقد في العناية المركزة وتحت عناية الله سبحانه إثر رفسة حصان تعرض الله في مدرسته يوم الثلاثاء |
ما شاء الله يعطيك عافيه |
يمال والله العافية ,,,, وبيض الله وجهك على هالصور الرائعة |
يمال والله العافية ,,,, وبيض الله وجهك على هالصور الرائعة
اخي العزيز تقبل مروري |
| الساعة الآن 01:30 AM |
Powered by vBulletin .
جميع الحقوق محفوظة © لشبكة ومنتديات البراري 2010