|
[ يالله بنو ٍ بارقه له رفاريف ]
السلام عليكم ومساكم الله بالخير وأسأل الله أن يغيث البلاد والعباد قصيدة أتمنى أن تنال الرضى والإعجاب ودمتم بحفظ الله / يالله بنو ٍ بارقه له رفاريف ** يحن رعاده وتسمر بروقه بأمر الله الخالق ولي التصاريف ** بأول جباه الوسم يالله تسوقه من ناوة ٍ ما هي على حسبة الصيف ** وسم ٍ يشق البيد وابل حقوقه مزنه نصوب وبالمناشي مراديف ** راع الولع لا شاف برقه يشوقه نوده صباء ما به عسام وعواصيف ** راكد خياله ويتوالى صدوقه وقعه على جرد الفيافي مجاريف ** يركب رفاع الجال ماه ويحوقه تصير وديانه كما غبة السيف ** يكبر على وصف الشفوق ويفوقه يأخذ شهر رجعه يهل التهاتيف ** يحيي مهاشيم الوقوت المحوقه على ديار ٍ شوفها قمة الكيف ** هي غايتي والقلب وجده يتوقه لا ربعت من رايحات المقانيف ** وزانت سبور اللي يحس بزهوقه يا نجد برحابك تزين المشاريف ** والعشب توه زاهي ٍ في سموقه وطيرك يردد في سماك الغطاريف ** فوق الخضار اللي نديه عروقه وريح الخزامى مع نسيم الهفاهيف ** هي منوة العاشق وسلوى خفوقه يا حلو لا منك عقدت المهاييف ** يم الفياض الزاهيه والطلوقه وشبيت نارك والدلال المهاديف ** على جذى جمر ٍ سناه وشروقه شروق ضوء الشمس ما هو سناء طيف ** في خايع ٍ يجلا عن البال ضوقه مع خوة قروم ٍ تسد المواقيف ** رجالهم بالطيب يصعب لحوقه ودارت مع الفنجال حلو السواليف ** وكل ٍ على غاية مرامه وذوقه هاذي حلاة العمر قبل الصواديف ** والعمر لا بد الليالي تعوقه وغبر الليالي يكسرن المجاديف ** كم واحد ٍ لوعات بقعاء تبوقه عبدالله الحربي |
من ناوة ٍ ما هي على حسبة الصيف ** وسم ٍ يشق البيد وابل حقوقه
مزنه نصوب وبالمناشي مراديف ** راع الولع لا شاف برقه يشوقه نوده صباء ما به عسام وعواصيف ** راكد خياله ويتوالى صدوقه الله الله الله ياسلااااااااااااام ابياااات جميله جدا صح لساااااااااانك مدد بلا عدد أخوي عبد الله الحربي لاهنت |
ودارت مع الفنجال حلو السواليف ** وكل ٍ على غاية مرامه وذوقه
هاذي حلاة العمر قبل الصواديف ** والعمر لا بد الليالي تعوقه اشكرك على هالروائع الرائعه وصح لسانك واسلم واستلم بنات فكري عودن لي مناكيف ... هيضتهن باللي تقول وتسوقه انا اشهد انك مبدعً بالتواصيف ... طير الثلاث اليا انتهض من اسبوقه |
صحك لسانك يا ابو زياد قصيدة تخلي الواحد يبكي من الشوق للمطر
ابو زيد انت شاعر كبير وصراحة افتخر ان جوالي يضم العديد من قصائدك الجميلة |
صح لسانك على هذه الابيات الجميلة نسأل الله الغيث والرحمة |
اقتباس:
آلله آلله قصيده رآئعه جداَ جداَ صح لسآنكْ وعلآ شأنك صبح آلمطرِ على آلقصيده آلجزله ونسأل آلله آلغيث وآلرحمهَ ولآعدمنآآكْ يآربْ ولآعدمنآ آبدآعآتكْ آلشعريه لكْ كلْ آلشكرِ وآلوود ~ |
اقتباس:
أخي / الذعذاع اسعدني مرورك الراقي والجميل أضفت الكثير من الجمال بتواجدك الكريم وصح بدنك ولا هنت تحيتي |
اقتباس:
الأخ / ذعاذيع الصباء اسعدني مرورك الراقي وتواجدك الجميل أضفت الكثير للمشاركة وصح بدنك وطاب فالك تسلم والله على هالأبيات الرائعة وصح لسانك .. مبدع تحياتي لك |
اقتباس:
الأخ / هديب الشام اسعدني مرورك الراقي وتواجدك الكريم صح بدنك يابو خالد .. لا عدمناك شهادة غالية أعتز فيها من شخص غالي وعزيز لي الشرف طال عمرك تحياتي |
اقتباس:
الأخ / الركام سعدت بمرورك الراقي وتواجدك الجميل صح بدنك ولا هنت آمين |
| الساعة الآن 09:28 AM |
Powered by vBulletin .
جميع الحقوق محفوظة © لشبكة ومنتديات البراري 2010