|
رحبوا معي بالشاعر الكبير ( محمد العثمان السكران ) ضيف البراري المميز الله مير يحييه
بسم الله الرحمن الرحيم
السلام عليكم ورحمة الله وبركاته إخواني في شبكة البراري من أعضاء ومشرفين اود أن انبهكم بانضمام الشاعر الكبير شاعر الزلفي محمد بن عثمان السكران ومعرفه ((راعي الزلفي )) علما أن أغلب أعضاء البراري لا يعرفون من هو محمد السكران وهو شاعر من كبار شعراء الزلفي ويتميز بقوة شعره من سلالة شعار من الشعار أللي أفضل شعرهم وأممن أعرض عليهم قصائدي أستفدة منه من ناحية نظم القصيد هاوي للإبل وممن يقتنونها صدره رحب طيب النفس كريم البراري من اليوم سوفا يكون ثقيل لحضوره خاصة قسم الشعر لثقل شعره الله يقدرني وأكون مثله ومثل جزالة شعره أرجوا من أعضاء البراري والمشرفين الترحيب به كلن واستطاعته وأرجوا من لأداره تثبيت الموضوع وهذي أبيات مني بمناسبة قدومه يامرحبا يامرحبا وهل ٍهلا=بالشاعر اللي مالك ٍشعر ٍجزيل يامحمد العثمان ياكل الحلا=ماضنتيي بالقا لكم شبه و مثيل يالبراري بعزف ألحان الغلا=في قدوم اللي يحل المستحيل شعره النادر علا فوق الملا=أشهد أنه نادر ٍ مثله قليل ياهو شعره يالبراري أمتبلا=نكهته بالرأس مثل الزنجبيل الفكر عنّه فلا عمره سلا=دايم ٍ أذكره بالليل طويل شعره اللي بالمعاني أمحملا=ياعجايب ياهلي صوته جميل عاشق ٍللبل في وسط الفلا=عاشق ٍلضيف له ظل ٍظليل |
والله وسبعين نعم فيك وفيه يالله حيه وهلا ومرحبا بشاعرنا محمد السكران يامرحبا ترحيبة مالها حد ****** ممدودةٍ منا ليوم القيامه ياهلا وسهلا فيه عين غطاء وعين فراش وننتظره في قسم القصائد واكرر الترحيب |
والله ونعم
حياه الله وان شاء الله نستمتع من شعره و مشاركاته |
وعليكم السلام ورحمة الله وبركاته يا مرحبا بك يا ضيفنا بن سكران والمنتدى نور بتوااااااااجدك https://img147.imageshack.us/img147/946/31240575iu5.gif يا حيالله من جانا وشكرا لقبولكم التسجيل معنا مرحبا ممزوجة . https://www.tameemi.com/vb/uploaded/198_1191618130.gif وباذن الله بنستفيد من تواجدك معنا ومرحبا بك في شبكة البراري https://www.albrari.com/vb/imgcache/1944.imgcache وتواجدك بيننا شرف لنا نحن مع تحياتي لك بتواجد دائم جزاااااااااكم الله خير سلام |
|
والله والنعم بك وبه ويا هلا الفين هلا باللي لفانا وإن شاء الله نستفيد منه ومن شعره ومشكور يا ابو مالك على هذه البادرة الطيبة |
يا اهل البراري لا تهلون بالحيل = والله ما استاهل ربع ها لتحايا انا مثل غيري ارود المعاميل = واشرب بفنجالن يروي ضمايا احب نظم القاف واحرص على القيل = وتوي جديد وعارفن مستوايا سجلت في هالمنتدى يالمشاكيل = ابا استفيد وجبت فكري معايا ولقيت ابو مالك يهل التهاليل = وماهي غريبه من شريف السجايا وانثر ورود الفل والبن والهيل = للي يرحب وانتقي له هدايا والله يعين وجعلها للتساهيل = واجمل تحيه من حبيس الحنايا |
تحية عطره لأخي الشاعر عبدالمحسن العمر على هالإطراء اللي ما استاهله.. وما الومه حيث أنه من أُناس أهل خير ولا يأتي منهم الا الخير.. وابو مالك ذوووق وماهي غريبه عليه.. ولا يهونون الربع...... وكل الشكر والتقدير للمدير التنفيذي وجميع الأعضاء وكل من يعمل بهذا المنتدى الغالي على القلب.. وانا على قولة القايل: ((عُودٍ من عَرض حِزمَه)). |
ياهلا ويامرحبا بالشاعر الجزل ..
حياك الله وبياك وعلى طريق الخير سدد خطانا وخطاك .. ان شاء الله تفيد وتستفيد في هذا الصرح الشامخ ويامرحبابك ترليون .. دمت بود |
حياااك الله يارااااعي الزلفي
حياك الله يالشااااعر الجزل والله سعيد بإنظماااامك لنا ويشرفنا تذوق شعرك واحاااسيسك يالغااالي والشكر موصول للعمر على الترحيب لاهنتم جميع تحيااااتي |
| الساعة الآن 04:17 AM |
Powered by vBulletin .
جميع الحقوق محفوظة © لشبكة ومنتديات البراري 2010