هل سبق ان حصل لك مثل هولاء
 

هل سبق ان حصل لك مثل هولاء وهروبهم داخل محطة بنزين أو اي مكان قريب

https://backyardchaser.net/gallery/al...3035.sized.jpg

حياك الله اخي الكريم خوي النشاما

نسأل الله ان يرزقنا الغيث المبارك

نعم سبق وان حصل ذلك في طريق القصيم وطريق حايل وعلى طريق صلبوخ

المشكلة الى صارت بردية وانت في البر الله يرحمنا برحمته

كل الشكروالتقدير على الصورة

دمت في حفظ الله ورعايته

الله يحييك ويبقيك يالصلبوخي

ماشاء الله عليك اجل انت موفق بمقابل الخير الله يجيبه ويعم به بلاد المسلمين

ومثل ماقلت المشكلة لاصرت بالبر وش بتسوي

بيني وبينك بعطيه قفى الموتر لين الله يفرجها

شكرا لحسن ردك

السلام عليكم ورحمه الله وبركاته


الله لا يورينا قوته

أخبر أن ناس تخبو تحت الانفاق خوفا من الامطار والبرد وغرقو كما حصل في مخرج 13 في الرياض

رحم الله موتانا وموتى المسلمين

استغفر الله واتوب اليه

حياك اخو ولد حريملاء

نعم الله لا يورينا قوته وخبرك مؤسف رحمهم الله واموات المسلمين

شكرا لردك

يازين ذا المطر ,,,

بس وينهي فيه ياخوي النشاما ..

وعموما مشكور جدا على هالصورة

الله يرزقنا مثل هالمطر من غير شر ..

اخي التمثال الصور من موقع اجنبي واعتقد انه في استراليا

وان شاء الله يرزقنا الله باطيب منها من غير ضرر

البرد يروع

والحمد لله ما صار لي هذا الموقف

ااخوي صاهود

نعم البرد مشكلة كبيرة وخطر لاصار حبته كبير

يسولف على واحدن من الاخوان يقول

كنت اسرح بالغنم انا واخواني يوم كنا صغار وما كان معنا سيارة

يقول في يوم من الايام جتنا بردية قوية وماكان حولنا احد ولا مكان نتخبى فيه ، ومالقينا حل الا التخفي تحت الشياه

والحمد لله فكنا الله وصارت الخساير في كم راس غنم ، والحمد لله على ماصار

الله يجيب الخير .
و بالنسبه لمواقف البرد كثيره ، و مثل ما تفضلو الأخوان اذا كنت في البر و لا حولك شي فخل قفى السياره مواجه للبرديه و حاول تغطيه بفرشه او طربال او اي شي . لأن مواجه البرديه بوجه السياره او جنبها ضرره أكبر .

مره كنت في جبال السوده و تجينا ذيك البرديه و لا فيه الا شجره , و من قوة الهواء حاولة اني اتذرى بطرف الشجره على الأقل تخفف من البرد و اضمن بإذن الله عدم سقوط الشجره .

واسئل الله ان يحفظنا و جميع اخواننا المسلمين ..