|
الرعيان.......
تحذير: يجب على الاباء والامهات مراقبة الابناء وخاصةٍ في ظل هذاالتطور السريع في عالم الاتصالات والكمبيوتر. قولوا لرعـيان الغـنم لايـنـامـــون = اشـوف بالمرعى مواطي ذيـابــه قولوا لهم خذوا الحذر لاتغـفـلون = كـم غـافـلٍ اصبـح حـلالـه نهـابـه ترى الـذيابه بالغـداري يغـيـرون = والجوع ينسيها الخطر والمهابـه والذيب مايومن على مايـقـولـون = يغـرس بارقاب الفرايس انيـابــه تلقون ضرب انيابها كنها طعـون = وجـر المخالب مثل جـر الحـرابـه اشـوف أشـياءٍ لـهـا ما تـشـفـون = تغيب عن بعض العـقـول النجابـه اقول قـولي والخـلايـق يعـرفـون = خير الملا من قـبـلـنا قـد حـكى به لابــد مـايــومٍ إلى الله تـعـــودون = وكلٍ يبي يسأل عن اللي رعى بـه اللي رعـوا بالشر للشر يجـنــون = واللي رعى بالخير يجني ثـوابــه احمد بن عبدالرحمن العريفي (نديم المجره) |
صح الله ألسانك على هالقصيدة الراائعه والنصيحه المفيدة وكل عام وإنت بخير الله يجزاك خير ويستر عليهم والله لايتكلنا على انفسنا لك شكري واحترامي |
صح لسانك ومشكور على هذه النصيحة |
( كلكم راع" و كلكم مسئول عن رعيته )
أبيات حكمه صح الله لسان قايلها و دمت يا نديم المجره |
صح لسانك اخوي احمد
شعر ذا معنى جميل ومهم نصائح ، موفق اخوي والى الامام |
ترى الـذيابه بالغـداري يغـيـرون = والجوع ينسيها الخطر والمهابـه تسلم وصح لسانك يامبدع والله نصيحه بمليون ريال بس وين اللى يسمع وينفذ رعاك الله وتسلم لنا وننتظر الجديد..منك https://up.albrari.com/uploads/12844050471.gif وعيدكم مبارك وكل عام وانتم بخير.. ابو حمد،، |
اخواني واخواتي الاعزاء شرفني مروركم واسعدني ثنائكم دامت لكم المسرات تحياتي |
| الساعة الآن 02:02 AM |
Powered by vBulletin .
جميع الحقوق محفوظة © لشبكة ومنتديات البراري 2010