|
تكفى دمار اهل الكرم والمروات.......
ياقايـلٍ تكفـى ... بتكفـى شقينا = ياما لجل تكفـى لقينـا المضـــــرات ياما لجـل تكفـى نزلنـا ورقـينا = وياما تجشمنا الدروب العســيـرات تكفى تـرى تكفـى دمـارٍ علينـا = تكفى دمار اهل الكـرم والمـــروات باسبابهـا صرنـا لهـم كافـليـنـا = ولاجنينـا الا الزعـل والغـرامـــــات كـم ليلـةٍ لعيـون تكفـى سرينــا = نسري لجل تكفى على غير مشهات وياما حملنـا ارواحنـا في يدينا = والعمـر ماياقـاه كثـر المــــــــدارات وكم غاليٍ لعـيون تكفى عـطـينا = نعـطي ولانحسب حساب الخسارات وان قلت تكفى قلت ابشـر وجينا = نجــيـك لو دونـك بحـورٍ غزيـــــرات نسـوق لجلـك كـل شـيٍ ثمـيـنا = نجـيبهـا بالمـال والا الوجـاهــــــات على البلا نصبر إلـى مـن بلينا = نصبر على شيل الحمول الثـقــيــلات لاتستغـل الحلم والطيـب فـيـنـا = الحـلم له حـزه وللـطـيـب حـــــــزات كم جاهـلاٍ لعيـون تكفـى نصينا = وكبرت بعين الجاهـليـن التفاهــــــات الجهـل أعيَـى كل طـبٍ مكـيـنـا = من عـصرادم لين عـصر الحضارات اخشـى عليكـم ساعـةٍ تعترينا = نسرج بها خيل الجهـل للجهــــــالات دام الدواء جهلٍ على الجاهلينا = نجهل جهل اعوام في ظرف ساعـات نجهـل وحنا للجهل كـارهـيـنــا = مضـطر والمضطر يرقى الصعـيـبـات ياللي تقول الحـزن خيـم عـلينا = الحزن بعض احيان للنفس مـلـهـــات احمد بن عبدالرحمن العريفي (نديم المجره) |
وياما حملنـا ارواحنـا في يدينا = والعمـر ماياقـاه كثـر المــــــــدارات
اشكرك اخي احمد وبارك الله فيك على هذه الابيات الجميله |
صح لسانك على هذه الابيات القصيدة الجزلة |
كمال البدور الركام اشكر لكم مروركم وطيب ثنائكم دامت لكم المسرات تحياتي |
تكفى تـرى تكفـى دمـارٍ علينـا = تكفى دمار اهل الكـرم والمـــروات
باسبابهـا صرنـا لهـم كافـليـنـا = ولاجنينـا الا الزعـل والغـرامـــــات كم انت رائع ياشاعرنا الغالي اشكرك من كل قلبي وانا سعيد بتواجدك معنا ومزاحمة الشعراء ونثر كلماتك العطره بيننا لنقتبس من ريحها الطيب.. تقبل مرور وصح لسانك ونتظر منك المزيد.. ابو حمد،، |
كلمات جميلة جدا بيض الله وجهك
|
اقتباس:
اشكر لك مرورك وطيب ثنائك دامت لك المسرات تحياتي |
اقتباس:
حياك ربي دامت لك المسرات تحياتي |
الله يبيض وجهك على ها القصيدة والله ثم والله انها في الصميم وتقطع القلب لانها نابعه عن واحد جرب تكفى وبكثره وبيض الله وجهك ثانية وثالثه . . .
تكفى تـرى تكفـى دمـارٍ علينـا = تكفى دمار اهل الكـرم والمـــروات باسبابهـا صرنـا لهـم كافـليـنـا = ولاجنينـا الا الزعـل والغـرامـــــات |
صح لسانك . قصيدة جزلة من شاعر كبير |
| الساعة الآن 09:52 AM |
Powered by vBulletin .
جميع الحقوق محفوظة © لشبكة ومنتديات البراري 2010