|
المجره.......(مصافحه)
https://www.alshmalgate.net/vb/images/icons/icon15.gif المـجـره.......(مصافحه) وقف قبل لاينجلي اسود الليــل ................ودي امتع ناظري بالمجـــره وانص الرفاع وخلنا ندور اسهيل ...............دام الجدي واضح ولا عنه غـَره وكان الثريا حدرت غرب بالحيل .................نجم الصبح يم المشارق تحـره يازينها نجوم الغداري قناديــل ................كن الكواكب في دجى الليـل دره شَوْف النجوم يعلل القلب تعليـل ...............يبعد عن القلب الحزين المضـره وقف ترى ياصاحبي مابنا حيـل ................في وقفتك ياصاحبي لي مبــره دام الليالي مقفيات ومقابيـــل .................الجمر كلٍ يم قرصه يجـــره لا تبحث الخافي وخل التفاصيـل .................ترى بعضها يلهد الكبد حَــره اقولها وانا اتقطع من الويــل ................واحس كن بداخل الحلق مــره جرتني الدنيا مثل جارف السيـل ..................لغصون سدرٍ جرها في ممـره ماهمني كثر الغثا والغرابيــل ..................دام الستر والعافيه مستمــره وان شفت رجالٍ يسب الرجاجيل ..................تلقى ضميره تقل صوان حَـره اترك كلام الناس والقال والقيل .................واغنم صلاة الفجر فيها المسره واشيب عيني كان بَيٌنْ بنا الميل .................نصير لعيون الشماميت قــره احمد بن عبدالرحمن العريفي (نديم المجره) |
الله يعطيك العافيه بدايه حلوه
|
الله يعافيك تحياتي |
لا تبحث الخافي وخل التفاصيـل .................ترى بعضها يلهد الكبد حَــره اقولها وانا اتقطع من الويــل ................واحس كن بداخل الحلق مــره ابدعت ثم ابدعت ثم ابدعت شاعرنا نديم المجره ابدااااااااع بلااا قيود ورااااائعه بلا حدود صح لسانك يالقرم واعتلى شأنك دمت دوما وابدا حيث يكمن التميز والابداااع استمتعت بقرائتها كثير .تقبل مروري .و تقديري .واحترامي . أختكم أم العنود |
صح لساااااااانك أخوي نديم المجره
أبيات رااااقيه وكلمات رااااائعه يسعدنا ويشرفنا إنضمامك لواحة شعر البراري لك إحترامي وتقديري وبالتوفيق |
صح لسانك ولسان الشاعر وتسلم على هذا الختيار الراقي |
اللــه اللــه اللـــه ابدااااع بمعنى الكلمه كلمات في الصميم قرأتها اكثر من مرة ومازال عندي رغبه بقراءتها جميله جدآ ولامست جروحي ابياتها صح الله السانك شاعر والنعم فيك مشكووووووووووروالله لايهينك لاتحرمنا جديدك وابداعك |
اقتباس:
صح قلبك لاهنتي الله يسعدك اسعدني اطرائك تحياتي |
اقتباس:
صح قلبك لاهنت الله يسعدك ويشرف مقدارك تحياتي |
اقتباس:
صح قلبك2x شكلك مطفي النور الله يقدي لك تحياتي |
| الساعة الآن 01:04 AM |
Powered by vBulletin .
جميع الحقوق محفوظة © لشبكة ومنتديات البراري 2010