|
في حزة المشرق وأنا كنت داله (**أبو عمر**)
السلام عليكم ورحمة الله وبركاته اسعد الله مساك بالخير اخي الذعذاع رداً على قصيدة : ياراكب الي تو مشري وكاله الي اسندتها لي , وانا والله لاني بشاعر , ولاني بولد شاعر في حزة المشرق وانا كنت داله === سالي واهوجس بين هذي وهاذيك جاني غلامٍ ماشي(ن) في عجاله === سـلم وقال اشـوف لي مد كــــفـيّك انـــا رسولٍ جالب ٍ لك رســـاله === مضمونها الذعذاع مرسل يحــييك قلت النعم والله بحرب ورجالــه === قومٍ لهم في مجلس الـــعز تمــليـك سلالـــــةٍ أنعم بها من سـلالــــه === مــــا بــينهم حاسد ولا به صعاليك يــستاهلون النعـم لا جا مـــجاله === مـا قـــلتـها للخلق دجـــــلٍ وتسليك و بعد تقـــهوينا واخذنا بــــــياله === روّح وقـلت الله معك دوم يــحميك يـا مقفيٍ باللي تشـــدك خصــــاله === شاصٍ معك وقت الشدايد يهـقويك جـيب ٍ وانا يا خوك مابي بـــداله === جيبٍ على ماقيل دربــه تبــــاريك رد الــــسلام لصاحب ٍ ينعنى له === قل له رفيـقك شاريٍ خوّتك شـــيك شيك ٍ مصدّق من بنوك العــداله === لا احتاج تعديل ٍ ولا احتاج تشـييك خــتمه صلاة الله عدد من سعى له === وإعــــداد ما كـِتبَت بيوتٍ محابيك عـــــلى رسولٍ جاهد اهل الضلاله === اهل الكــفر والغي واهل التشاريك وسلامتكم |
صح الله لسانك وبيض الله وجهك
قصيده جزله ولا هنت أثريك شاعر ولا ودك تشاركنا بارك الله فيك كفيت ووفيت |
صح لسانك والنعم بحرب ماشاء الله عليك ياابوعمر شاعر واصل وادخل بكل فن من فنون الشعر ننتظر جديدك |
الله يهديك يالذعذاع
,, انا مرسلها لك على الخاص وزابن , وانت تنزلها بموضوع ؟ ههه , نكبه على العموم صح ابدانك, وتستاهل يالذعذاع مير والله مثل ماقلت لك , لاني بشاعر ولاني بـ ولد شاعر وهذي مجرد محاوله ـــــــــــــــــــــــــــــــــ , اخي العزيز الركام صح ابدانك, ويسعدني تواجدك والله وانا اخوك مانيب شاعر (قبل يطلع البيت , يطلع المخ) يالله , عن اذنكم , انا ابمشي للرياض , دعواتكم يالربع في امان الله |
شغلك انشالله اذا جيت اذا مابطيتك بط
ولاتعلمنا ولاشي انك شاعر المهم توصل بالسلامه وسلمنا على كل من تواجه |
ههههه هلا بك يا ابو عمر منوور يالذيب اجل بتبطّني هههههه , انت تعال ويصير خير اقتباس:
شاااااعر مرره وحده ؟ ياخوي هذا صف كلمات وما يوصل انك تسميه شعر ( والله ما ادري لو نصّها كسووور) على العموم حياك الله |
| الساعة الآن 03:06 AM |
Powered by vBulletin .
جميع الحقوق محفوظة © لشبكة ومنتديات البراري 2010