|
الحر السنه هذي اقوى والعلم عند الله
السلام عليكم ورحمة الله وبركاتة
يأخوان ياخبراء يامحللين انا سمعت كلام غريب و اسمعه منكم باقي شهر كامل علي الحر القوي وراح يستمر شهر وشفنا درجه الحراره وصلت 53 عندنا بالصمان وبعدها بيوم 49 وتقلون هذا بسبب الرياح الجنوبيه الغربيه الي جاي من الربع الخالي أجل الربع الخالي فيها شمس وحنى ماندري والله لو ترسمون وتحللون علي كيفكم بأن الحر طبيعي مراح اصدق لأن الحر السنه هذي واضح كل الوضوح قوي بالمره والعلم عند الله انا وانتم تعرفون بأن الحر القوي شهر 7هـ وحنى في اول شهر 6هـ شهر كامل باقي علي الحر القوي والله يعين السنه هذي اذا الحر هذا اوله اجل اشلون قوته وسامحوني اذا قلت كلام فيه حساسيه زايده انا اتكلم بالواقع الي شفته وابيكم تلاحضون الشي الي لاحضته تحياتي |
معليش اخوي كلامك مو منطقي انتو تعتمدون على مقياس درجة الحراره للسياره وصدقني بالجزيره العربيه كلها وعلى اثباتات وادله اعلى شي وصلت له 49 واقل وهالمعدل الطبيعي اللي نشوفه كل سنه ومو معناته انه الصيف اشد يمكن تقدم موعد الصيف وكل شي بيد الله سبحانه وتعالى والاهم من هذا كله يعتمد بعد قدرة الله سبحانه وتعالى على سرعة الرياح واتجاهها اخواننا بالشمال عندهم الاجواء ربيعيه وبارده في الليل ولو تستمر الرياح شماليه صدقني رح يتلطف الجو ويصير صيف طبيعي زي كل سنه وغير كذا الزم الاستغفار وذكر الله ولو عندك ادله واثباتات على انه درجة الحراره وصلت فوق الخمسين ابي اعرف وشو المصدر |
اقتباس:
تدرين انا لو بقولك ان الحراره شفتها بمقياس واحد يمكن اقول ان المقياس خربان بس والله ولا لك علي حلف يمين اني شفت درجات الحراره قويه وحده 53 وحده 52 وحده49 والسياره الي 49 ويكون بعلمك السياره تكون اقل من حق الارصاد واذا عندك سياره بتلاحضين هذا وقفي السياره لمده ساعه وشوفي درجه الحراره وبعدها امشي بالسياره وراح تلاحضين الحراره تنزل لأن مقياس السياره يجيه هوا اذا مشت السياره وتقل درجه الحراره وبخصوص كلامك تقولين حنى 49 والشمال جوهم زين براد انا بقولك ان 49 الي اعترفتي فيها بلسانك هذي بعد شهر اذا ماكنتي تدرين وبخصوص الشمال جوهم زين حتى القطب الشمالي او الجنوبي متجمدين علي طول وحنى حر وبرد في مختلف الاوقات ولا تقارنين المناطق الي جوها زين بالصيف بجونا المشمس الحارق الي نعرف وقت الحر متى ولو الحر القوي هذا الي وصلت الحراره فيه 49 او 48 او 47 هذا اقل التقديرات نلاحض ان هذا ماهو وقت الحر الي نعرف علي كل حال اشكرك اختي بنت الجنوب واحترم وجه نظرك وسعدت بتواجد تحياتي |
وبعدين الغلاف المغناطيسي يمكن ضعف او صار له شي ولا يعرفه غير علماء الفلك وهذا الغلاف يمنع الرياح الشمسيه الي تبي تدخل علي الارض
وبعدين آخر دراسات الفلك ان الشمس اصبحت اكثر نشاطاً عن قبل ولوحظ فى الفترة الآخيرة كثرت الانفجارات (ما يسمى اللهب الشمسى) الي يصير على سطح الشمس |
شكلك متحمس مره :h32: https://www.albrari.com/vb/images/icons/038.gif ياخوي حصل مثل هالشيء اخر مايو عام 1997 جهة الحساء وشرق وجنوب شرق الرياض وسجلت درجة الحرة في اخر مايو اللي هو شهر خمسه ميلادي ويونيه اللي هو شهر 6 ميلادي اعلى درجات الحرارة في تلك السنه وقربت حول الخمسين بينما درجة الحرارة كانت اقل في الاشهر التي تلت يعني يوليو واغسطس وسبتمبر وكانت مابين 46 الى 40 والله اعلم |
اشكرك يالغالي علي كلامك الطيب وسنه 97 جانا حر قوي وهو اقوى سنه جانا الحر فيه هذا الي انا اشوفه واحسبه وجانا ربيع طيب بعد الحر القوي سنه 97 والربيع سنه 98 بس الحر ياخوي ماهو مبكر نفس السنه هذي حنى ترا في اول سته والحر جانا السنه هذي القو في اخر 5 شوف اشلون مبكر بالمره ماهو نفس السنين الي فاتت
سعدت بتواجدك اشكرك جدا جدا تحياتي |
اقتباس:
اخي الحبيب الحر بدأ ابكر في 97 من مارس |
اقتباس:
طيب سنه 97 جانا حر قوي بالمره بشهر6 و7 و8 وسجلت معدلات الحراره عند الارصاد الاقواء بذاك السنه يعني السنه هذي مواريها مواري الحر الله يعيين وبس |
اقتباس:
|
الله يجزاك خير علي الرابط دخلت عليه وشفت الوضوع والحر الي لاحضته هذا بسبب ظاهره النينو وراح نستفيد منها صح ان الحر بيشدد بالظاهره هذي بس عواقب الحر بتكون طيبه وراح نراقب اهل الجنوب بالصيف نقول ان شاء الله بيجيهم امطار قويه والعلم عند الله وحنى بعد الصيف لشهر2 التفائل قوي والله يكتب الي فيه الخير
|
| الساعة الآن 07:34 AM |
Powered by vBulletin .
جميع الحقوق محفوظة © لشبكة ومنتديات البراري 2010